Марий Эл Республикын рӱдолаштыже ноябрьын кокымшо пелыштыже «Майатул» — Финн-угор театр-влакын тӱнямбал черетан 7-ше фестивальышт почылтеш.
Фестиваль кок ийлан ик гана эрта. Тыште финн-угор калык-влакын театрышт шке спектакльыштым аклаш луктыт. Ончыч фестивальышке Россий Федераций да лишыл йот элла гыч 14 коллектив наре ушнен.
«Майатул» 7-ше фестивальын темыже – «Национальный, руш да тӱнямбал драматургийын пьесе почеш шындыме спектакльлаште актёрын мастарлыкше».
Эн тале-влаклан лӱмын номинаций-влакым ямдылыме: эн сай ӱдырамаш да пӧръеҥ роль, кокымшо планысе эн сай ӱдырамаш да пӧръеҥ роль, эн сай эпизодысо роль.
«Майатул» фестивальын лауреатше лӱмым налше актёрлан статуэткым да окса премийым кучыктат.
Налмывер: Mari-el.name
MariUver 