"Пайрем" группо Хельсинкиште
«Пайрем» марий рок-группо тений февральыште веле шочын гынат, пел ий жапыште тудо шуко мутланымашым луктын, калыкыште, поснак финн-угор тÿняште, шукыштлан сайын палыме лийын шуктен. Тидым шотыш налын, таче тудын солисткыже, МарКУ-што хормейстерлан пашам ыштыше Эльвира Курай ден менеджерже Алина Рычина дене мутланышна.
– Алина, тый тÿвыра дене кылдалтше иктаж организацийыште пашам ыштет да сандене менеджер семын пашам ышташ тÿҥалынат мо?
– Пашам тÿвыра дене кылдалтын манаш огеш лий. Мый ТНТ каналыште реклама службышто ыштем. Тыгай группа дене пашам ышташ шонымашем шукертак лийын. Кодшо кеҥежым Москвашке «Металлика» ден «Хим» рок-группа-влакын концертышкышт миенам ыле. Тушто нунын деч интервьюм нальым. Тунамак шонымаш шочо: молан рок-группа-влакын финн-угор фестивальыштым эртараш огыл? Тушто кажныже шке шочмо йылмыж дене рок-муро-влакым йоҥгалтарен кертеш ыле. Тыге, тудым эртараш оксам муаш манын, проектым ямдылаш тÿҥальым. Май кыдалне Хельсинки олаште IFUSKO организацийын XXIV тÿнямбал конференцийже жапыште Марий Эл гыч «Пайрем» рок-группына изирак концертым ончыктышат. Шонымашем шукталте.
– Менеджер пашам шуктен, шуко оксам ыштен налаш лиеш шонен, тиде пашам тÿҥалын отыл?
– Ялтат уке. Тиде паша мыйын чонемлан лишыл. Окса нерген ойлаш кызытеш эр, вет «Пайрем» группа эше посна концерт дене лекмашыже уке. Концерт дене районла еда шыжым але телым лектедаш тÿҥалына, шонем. А икымше сольный концертым группа Йошкар-Олан кечыжлан пӧлеклалтше пайрем годым ончыкта.
– Хельсинкиш наҥгаяш йӧршӧ моло группа-влакат лийыныт дыр, тугеже молан тидлан лÿмын «Пайрем» группым чумыраш кÿлын?
– Чынак, тушко «Доля ангелов» кайышаш ыле. Но группын участникше-влак ты темлымашым кÿлеш семын вашлийын огытыл, санденак нунын дене чеверласенна. Тунам Эльвира Курай тушеч каен да у группым чумыраш келшен толшо еҥ-влакым пырля кычалаш тÿҥалынна.
Эльвира Курай: – Темлыме еҥ-влак дене вашлиймеке ӧрынам: нине рвезе-влак дене шке жапыштыже ме музыкальный училищыште иквереш тунемынна!
– Группылан лÿмым кужу жап шоненда?
– Пешыжак огыл, но тÿрлӧ лÿмым ончен лекме. Рвезе-шамыч «Юмын ÿдыр» манын лÿмдашат темленыт. Икмыняр жап гыч иктыже ойла: «Айста «Пеледыш пайрем» манына». «О, айста «Пайрем» манын лÿмдена»,– вигак темлышым тунам да тидын дене чыланат келшышт.
– Группыдан йоҥгалтарыме икымше муро молан лачшымак «Сола вуйыштет» лийын?
– Эше 1997-1998 ийлаште икмыняр мурызын мурыжым иквереш чумырымо кассета лектын ыле. Тушто Марина Родинан йоҥгалтарыме тиде мурыжат лийын. Москвашке Свешников лÿмеш Хоровой искусство академийыш тунемаш кайымем годым шольым мылам тудым налын пуэн колтыш. «Москваштет шарналтен колышташет»,– мане. Чынак, миен шумеке колыштым. Мутшо курык марла да пешыже нимомат умылен омыл, но семже моткочак келшен. «Тидым иктаж-кушто иктаж-кунам мураш кÿлеш»,– шоналтышым тунам. Тевыс, лу ий гыч, группым чумырымеке, содыки мураш тÿҥалынам!
Чыным ойлаш гын, мылам рок муро нигунамат келшен огыл. Санденак тудым йоҥгалтараш тÿҥалам манын шоналтенат кертын омыл. Но 2000-ше ийыште ик финн рок-группын мурымыжым колыштмеке келшен шинчын. Тунамак тыгай марий группым ышташ кумылем лектын. Тиддеч вара мый тидым илышыш шыҥдараш тыршаш тÿҥалынам.
– Репертуарышкыда тылат келшыше але сайын йоҥгалт кертше муро-влакым пуртеда?
– Мылам келшышым. Тачысе кечылан кандаш марий мурына уло. Нунылан чылаштлан у сыным пуртенна, ойыртемалтшын йоҥгалтарена.
– Тый кызыт «Пайрем» группа дене пырля гына але ондаксыла посна мурызо семынат калык ончыко лектат?
– Поснат мурем. Шымше Всероссийский ялысе кеҥеж спорт модмашым мучашлыме годым концертыште «Пайрем» группа мурышаш ыле. Но икмыняр участникын вес элышке канаш кайымыштлан кӧра мылам «Доля ангелов» группа дене пырля мураш логалын. Эльвира Курай семынат мураш ÿжыныт.
– Лыжга марий семан муро-влакым рок семын йоҥгалтарымым илалшырак-влак кузерак вашлийыт?
– Моткоч сайын. Уда мутым але марте иктат ойлен огыл. Мурына почеш эше кушташ веле лектыт. Ме, мутлан, Оршанка вел такмак-влаклан рок семым пуртенна гынат, еҥ-влак тудын почеш уло кумылын куштат, эсогыл уэш мураш йодыт. Такшым кеч-могай мурым ойырен налмеке, тудлан рок семым пуртымеке, эн ончычак авамлан колыштыктем. Тудлан келша, тугеже калык ончыко лукташ лиеш.
– Молан тый Курай псевдонимым налынат? Пошкырт вел гыч улат мо?
– Уке. Ачам Волжский район, Усола Корамас гыч, авам – Оршанка район, Тошто Крешын ял гыч. Мыйын кочам Курай лÿман лийын. Тудын лÿмеш тыгай псевдонимым налынам. Тиде лÿм ойыртемалтшын йоҥга, а Эльвира Гурьева простаракла чучеш.
– Группыштыда тый дечет молыжо чыланат руш улыт. Марий мурым йоҥгалтараш логалмым нуно кузерак вашлийыт?
– Моткоч сайын. Икмыняр руш мурына уло, но шукыжо садак – марла. Нуно йоча огытыл, сандене чылажымат кÿлеш семын вашлийыт, мом ыштымыштым умылат. Мый мом темлем, рвезе-шамычлан чыла келша.
«Пайрем» рок-группын мурымыжым MySpace.com сайтыште колышташ лиеш >>
Любовь Камалетдинова
мутланен.
Налмывер: «Марий Эл» газет
MariUver 
Shala! Pish jazhon shakta. A Multikym mahanj gruppa anzhykta da myra?
Тиде мультикым мо? http://mariuver.wordpress.com/2008/08/07/jakovleva_joratymash_ila/
Тиде видеоклипым Эстонийыште илыше Dimuska рвезе ыштен: Алена Яковлеван мурмыжым «Смешарики» мультфильмын «Танцор диско» серийже дене иктыш ушен.
школьный ансамбльым «батько махно» напоминатла, а «пайрем» — татарын байрамым(или байремым). «отыр але янларыма» муро гына репртуарыштышт ок сите.
Орканыде «Олык воктеным» колышт ончышым. Гитарын йукшо ала молан 70 ий — влакым напоминатла. Тунам соло гитарист -влак фустер гоч тыгай йукым лукташ йоратат да западный группа-влаклан подражатлат иле. Но танцплощадкаште портвейн деч вара пеш келша иле. А муруштыже марла лирикам шымат кол. Мурышто(если марла муро манаш лиеш гын) мутышт — влак гына марла.
«Пайрем» — тиде, отпущенный по команде сверху, очередной проект типа «Олег Славин» или марла «Ласковый май», созданный в угоду,наверне, Васютин ден Маркеловлан или забугорный финиугорийлан.
Okej Mari Uver! Kogo tau. Ti «Diskon tanzorzhym» Francishtysh palymyvlaem kogo interes dono kolyshtyt da anzhat. Shukyrak tehenj muzyka kelesh. A
«Pajrem» gruppa — SUPER! Kolhozno-krestjanskij foljklor gyts jazhorakyn shakta!!! U myryvlazhym kolyshtmy shoesh. Nyl myry logyts «Sola vuhyshtet» myryshty sek jazho!!! Shotesh pishtymy Vachis, «otpushennyj po komande sverhu» manat gynj, tidy tynjyn fantaziet? Kugizhanysh muzykantvlalanat, literatorvlalanat, artistvlalanat palshyshashlyk agyl ma? Tek mary muzyka kymda arenyshky laktesh!
Да этот Вачис кроме критики и демагогии ни на что не способен. А что ты сам Вачис сделал для развития марийского языка, культуры? Tsikma выпускает журнал и книги на горномарийском языке, MariUver содержит сайт. «Пайрем» поет прекрасно, у Эльвиры Курай прекрасный классический голос, ребята хоть и русские, но марийскую музыку чувствуют хорошо. Успехов «Пайрему»!
батько махномат огыл, а крыловын басньысе музыкант-влакым напоминатла
«Пайрему», конечно, успехов!
Но, на мой взгляд, такая музыка звучала бы лучше с мощным мужским вокалом (не в обиду Эльвире). Эльвира со своим голосом могла бы успешно петь в другом стиле.
Semik, а в чем проблемы? Создадите свою группу наподобии «Пайрема» и найдите более «мощный мужской вокал» и вам респект. Критиковать просто так проще всего.