7 гыч 25 июль марте Марий кугыжаныш университетын марий йылме кафедрыже негызеш ынде кудымшо гана финн да марий йылмым тунемме курс-влак пашам ыштат
Тений тушко 13 еҥ толын: йот эл гыч латкокытын улыт. Вес элласе уна-влак финн-угор тÿшкашке пурышо изи чотан калык-влакын йылмыштым, тÿвыраштым да йÿлаштым поснак тыршен тунемыт.
Йот эл гыч толшо-влаклан оҥай культур программым ямдылыме. Мутлан, 12 июльышто нуно Морко район, Унчо ялысе кÿсотыш тарванат, а 19 июльышто Козьмодемьянск олан мотор верлажым ончен коштыт.
Тиде курслан марий йылме кафедрым вуйлатыше, филологий наука кандидат Валерий Максимов вуйын шога. Марий йылмым тыгак шанчызе-влак Людмила Григорьева ден Элина Гусева туныкташ тÿҥалыт.
Тыгай курслан тÿҥалтышым филологий наука доктор, профессор Юрий Андуганов ыштен.
Важ: «Марий Эл» жаплышташ
MariUver 
Ну, мо ынде иже Андуганов нерген возаш тУНалыныт! Жапыштыже пеш тошкышт, поснак марийвлак, кУшнО шогышовлак. Вот тыге ме икте-весым пытарена … :(((
Илмыж годым аклен ышт мошто, Марий Эл гыч шурен колтышт. Тыгай виян марийже ынде Марий университетыште укат чай.