MariUver

6 мартыште «Саскавий» марий ӱдырамаш ушем 8 март пайремым палемден.

«Жираф» кафешке 30 утла чолга марий ӱдырамаш чумырген. Нуным тыгаяк чолга марий пӧръеҥ-шамыч саламленыт. Тиде — Мер Каҥашын тале еҥже Валерий Мочаев, мурызо-влак Анатолий Зарецких ден Володя Матвеев, «Ньютрейд» компанийым вуйлатыше Андрей Герасимов, офицер, Читать далее →

Автодор тӱвыра пӧртыштӧ ачалыме паша тӱҥалмылан кӧра Марий касын да Марий дискотекын эртарыме верже Ленин лӱмеш тӱвыра полатышке кусна.

Вӱргечын, 14 мартыште эстраде сем почеш каналташ йӧратыше-влакым марий дискотекыш 19 шагатлан пагален ӱжына, а шуматкечын 17 мартыште Марий кас 15 шагатлан марий калыкым вуча. Читать далее →

Марий калык IX погынжылан ямдылалтеш. Тудо вӱдшор тылзын 18 гыч 21 числа марте лиеш. Марий Эл районлаште да марий-влакын тӱшкан илыме верлаште делегат-влакым сайлымаш конференций-влак эртат. Тидын нерген «Марий Эл ТВ» каласкала.

Видеом налмывер: vmariel.ru

25 февральыште Марий тӱвыра рӱдер Советский район Ӱшнӱр кундемыште Марий Ӱярня пайремым эртарен.

Марий Эл тӱвыра, печать да калык-влакын пашашт шотышто министрын алмаштышыже Галина Ширяева, Мер каҥаш вуйлатыше Лариса Яковлева, Советский районысо администрацийым вуйлатыше Валентин Епифанов, Марий Элын тӱҥ онаеҥже Александр Таныгин, Ӱшнӱр ял шотан илем вуйлатыше Валерий Басов, Марий тӱвыра рӱдерын вуйлатышыже Валерий Григорьев погынышо калыкым Ӱярня пайрем дене саламлышт. Читать далее →

Тӱҥ шинчымашым пуышо тӧнежласе 9-11 класслаште тунемше-влаклан 18 февральыште Марий кугыжаныш университетысе Финугршанче институтышто тунемше-влакын этнокультур йодмашыштым да йылме праваштым шуктышо предмет-влак дене республик да регион-влак кӱкшытан олимпиаде-влакын пытартыш этапышт эртен. Читать далее →