2026 ий финн идентичностьлан да сотемдарымашлан кугу датылан шотлалтеш. Финн йылмым Йохан Снелльманын инициативыж почеш тӱҥалтыш школлаште туныктымо йылме семын пеҥгыдемдыме тат гыч 170 ий эрта, увертара «Финлык ушем» регистрироватлыме объединений – Suomalaisuuden Liitto ry.
1856 ийысе пунчал финн шкешамлан савыртыш тат лийын. Тудо шочмо йылме шанчын, туныктышын да мер илышын йылмышт лийже манын негызым пыштен.
Хельсинкиште пайремле семинар
Лӱмгече идалык лӱмеш «Финлык ушем» пайрем семинарым эртара. Мероприятий изарнян 9-ше вӱдшорышто 18 шагатлан шанче пӧртыштӧ лиеш.
Колыштшо-влак чапан профессор Катри Карасман лекцийышкыже толын кертыт. Тудо Седеркрейецын залыштыже лиеш. Ойлымо деч вара калыкле йылмын ончыкылыкшо нерген панелян дискуссийым эртараш палемдыме.
Погынышо-влак йылме верч кучедалмаш гыч тудым арален кодымылан мут кучымашке куснымо нерген ойлаш тӱҥалыт. Эксперт-влак кызытсе жапыште финн йылмым кӧ арала манын йодышлан вашешташ тыршат.
MariUver
MariUver 