Пошкырт кундем Янаул район Никольск ялысе тӱвыра пӧртыштӧ «Ковамын шондыкшо» марий фольклор пайрем эртен. Тидын нерген «КонтактЫште» мервотышто Любовь Алынбекова увертара.
Мероприятий тӱҥалтыш класслаште тунемше-влакым калыкнан тӱвыра да йӱлаж дене палдараш манын ышталтын. Йоча-влак марий культур тӱняш пурен кайышт, шканышт калыкнан йӱлаж нерген каласкалыше «кован шондыкшо» гыч шкешотан ӱзгар-влакым муыч.
Поснак марий тӱр да калык вургем – йыдал, тувыр, ӱштӧ да шовыр – кумылым савыреныт. Экспонат-влак коклаште эсогыл 100 ий ончыч ыштыме тувырат лийын.
Ӱдыр-рвезе-влак марий фольклор дене калыкмутым, туштым да такмакым шымлен палыме лийыныт. Пайремым марий муро-влак тӱзатеныт, весела да куан шӱлышым пуртеныт.
Тыгай событий-влак йоча-влакым тӱвыра, йӱла да йылме деке шӱмаҥдаш, тыгак калыкнан югыпогыжым пагалаш туныктат. «Ковамын шондыкшо» пайрем тыгай мероприятий-влак кокла гыч ик эн сылне пример семын лийын.
MariUver
Фото: Любовь Алынбекова
мервот – соцсеть,
югыпого – наследие
MariUver 