Раисия Данилова «Аваем» (МУРЫН МУТШО)

Мутшо Мардан Раян, семже Иван Егоровын, Раисия Данилова мура.

Кеч-мыняре пагыт эрталеш,
Ава шӱм йоча пелен лиеш.
Тидым кызыт веле умылем,
Аваем, аваем, аваем.

Шукертак шкежат ава улам,
Садак кӱдынет йоча лиям.
Вачышкет вуем мый пыштынем,
Аваем, аваем, аваем.

Ойленам дыр кочо мутымат,
Сусыртен чонетым, шӱмбелем.
Сукалтен йодам чыла мондаш,
Аваем, аваем, аваем.

Сай шомакым веле ойлынем,
Шӱм гыч лекше семым пӧлеклем,
Кӱчык ӱмыретым шуйынем,
Аваем, аваем, аваем.

Тый улат гын, нимо деч лӱдаш,
Лиеш корным пеҥгыдын тошкаш.
Тыланет мый вийым ешарем,
Аваем, аваем, аваем.

Тый улат гын, нимо деч лӱдаш,
Лиеш корным пеҥгыдын тошкаш.
Тыланет мый вийым ешарем,
Аваем, аваем, аваем.
Аваем, аваем, аваем.

MariUver

Видео: ФЕЛИКС ГИНЗБУРГ

Мутым 8-ше (1112) № 2026 ий 3-шо мартысе «Сурт-пече» газет гыч налме