Эстоний рӱдолан «Пирита» каныме рӱдерыштыже 6-шо гыч 31-ше чатлама марте «Финн-угор шкевуялыклан – 100 ий» куснылшо ончер эрта. Тудо родо-тукым калыкна-влакын эрыкан лияш тыршымыштын историйыштлан пӧлеклалтын.
Экспозиций XX курымын икымше луийласе жапшым авалта да ончышо-влакым автономийлам чумырымо корно дене историйыште келге кышам кодышо еҥ-влакын пӱрымашышт гоч палдара.
Радамын рӱдӧ событийже историк да мер пашаеҥ Яак Прозес дене вашлиймаш лиеш, тудо кушкыжмын, 13 чатламаште, эрта. Шымлызе ончерым чумырышо-влакын шонымыштым почын пуа. Тыгак тудо родо-тукым калык-влакын эрыкышт верч тыршыме пашан политике контекстше нерген каласкала.
Выставкым чыла кумылан-влаклан яра ончен кертыт. Эртарыше-влак ончаш толшо-влакым +372-57 703 322 телефон дене але piritavak@piritavak.ee электрон почто гоч ончылгоч шижтараш йодыт.
Мероприятий Facebook мервотышто >>
MariUver
вуйводалык, шкевуялык – самостоятельность, независимость, суверенность
чатлама – январь
эртык – историй
мервот – соцсеть
MariUver 