25 октябрьыште Йошкар-Олаште республикысе Самырык-влакын полатыштышт регион-влак кокласе кӱкшытан Марий КВН эрташ тӱҥалеш. Тудым республикын Тӱвыра, савыктыш да калык-влакын пашашт шотышто министерствыжын полшымыж дене Марий тӱвыра рӱдер эртара, увертара «Марий Эл» газет.
Тений организатор-влак тудын темыжым тыге палемденыт: «Пол… Па… Ак… Ир… Чу… Ма… Марий патыр улына!» Мероприятий 14 шагатлан тӱҥалеш.
Конкурс эртыме кышкарыштак Марий тӱвыра рӱдер пелен «Весела кӱдыр» Марий КВН клубым почмо шотышто положенийым пеҥгыдемдат да тудын паша планжым каҥашат. Марий КВН клубым почмашке ончычсо сезонлаште КВН дене модшо команде-влакын капитаныштат, моло кумылан, тыгак организатор-влакат ӱжалтыт.
Модмашке ушнаш кумылан-шамычлан ончылгоч визитле картычкым, лывыртымашлан кум йодышым да «Йомак – умбак, мый – тембак…» теме дене мӧҥгысӧ пашам ямдылыман. Капитан-влакланат посна конкурс лиеш.
6 октябрь марте командын фотосӱретшым организаторлан колтыман. Палашлан: вара нине фотосӱрет-влакым республикысе Калык усталык да Марий тӱвыра рӱдер-влакын мервот лаштыклашкышт вераҥдат. Командыште 6–10 еҥ лийын кертеш, кум еҥже 30 ияш марте лийшаш, воза «Марий Эл» жаплышташ.
MariUver
визитле – визитный,
лывыртымаш – разминке,
мервот – соцсеть,
жаплышташ – газет
MariUver 