Латвийыште финн-угор кече-влакым палемдат

Тушто марий-влакат лийыт

Шыжа тылзын 4–5 кечылаштыже Ригыште да Айнажиште Финн-угор калык-влакын 2025 ийысе кечышт эртаралтеш. Латвийыште тиде пайремым эстон «Фенно-Угрийын» инициативыж почеш 2014 ий гыч эртараш тӱҥалме. Тений тудо вӱд темылан пӧлеклалтын, да родо-тукым калыкна-влакын теҥыз, эҥер да ер дене келге кылым кучымыштым ончыкта.

Мероприятий-влак Латвийын кокымшо тӱп калыкшын, лив-влакын, культурыштын кӱлешлыкшым палемдаш да моло калык-влакын тӱвырашт дене кылдалт шогымыжым ончыкташ эртаралтыт. Тиде чылалан, тыгак латыш-влакланат, шкеныштын акрет вожыштым да кызытсе тӱняште финн-угор, тыгак марий тӱвыран, кузе коймыжым шижын шукташ полшышаш.

Ригысе программе сылнысӱрет ончерым почмым, икмыняр элын посолжо-влакын оҥай лекцийыштым да концертым авалта. Тыгак лив, эстон, венгр, финн да марий калык мурым да семым колышташ йӧн лиеш. Кас тӱшкан модмаш да куштымаш дене мучашлалтеш.

5 октябрьыште пайрем Лимбажи кундемын Айнажи олаштыже шуйна. Тусо теҥыз школ тоштерыште кечым пайремлын почмо лиеш, вара чыланат концертыш каят. Мучашлан Кришьянис Валдемарслан пӧлеклалтше «Ош кече» шарныктыш пале воктене тул йӱлам шуктат.

Чыла мероприятийлашке яра пураш лиеш. Участвоватлаш шонышо-влаклан организатор-влак дене +371- 295 284 21 телефон але margita.poriete@rlb.lv электрон почто дене кылым кучаш кӱлеш.

Рашрак уверым рушла тыште муыда >>