Финляндийыште 6 ияш Каспиан Криссанту президент деч илышым утарымыжлан медальым налын — да историйыште эн самырык тыгай суаптарым налше лийын, увертара Yle.
Рвезе шке талешке койышыжым идалык ончыч ончыктен. Гаражыште тул да бензин дене модмышт годым кугурак изажын, Уильямын, вучыдымын вургемже йӱлалаш тӱҥалын. Каспиан ӧрын шогыде сад шлангым руалтен, тулым йӧрыктен да полышым кычкыраш куржын.
Тудын писын реагироватлымыжлан кӧра Уильям илыше кодын. Тудо когарген, но ынде тӧрланен да школыш пӧртылын. Медаль ынде изи геройын пӧлемысе полкыштыжо чап верым налеш, воза Yle.
MariUver
Фото: Yle
MariUver 