Тиде шуматкечын, идым тылзын 6-шо кечынже, марий йылме да тӱвыра дене лишкырак палыме лияш шонышо чыла кумылан-влакым мемнан школ ешыш ушнаш ӱжына, воза «Таллинн марий ушем» (ТМУ) Facebook мервотышто.
Вашлиймаш-влак йоча да кугыеҥ-влаклан пырля лийыт. Икымше занятий посна верыште «Эстонийын изи-калык-влак ассоциацийжын» пӧлемыштыже 12 шагатлан тӱҥалеш. Кечывал кочкыш деч вара пырля тоштерыш але вес тӱвыра кумдыкыш коштын савырнаш шонат. Йоча ден самырык-влаклан тиде яра лиеш.
Умбакыжым вашлиймаш-влак онлайнат лийын кертыт. Занятий-влак, йӧн лийме семын, арнялан ик гана але шуэнрак эрташ тӱҥалыт.
Оксам Huvikool „Mari” (Чоншупмаш-школ «Mарий») проектлан Эстонийын Интеграций фондшо ойырен.
Йодыш лекмеке, ТМУ дене кылым ышташ йодыт.
MariUver
мервот – соцсеть,
чоншупшмаш-школ – руш. школа по интересам
MariUver 