2 августышто Киров областьысе Малмыж район Кугу Кетек ялыште Акпатыр чочойлан вуйым савен кумалмаш лиеш, увертара «Марий Эл» газет.
Акрет марий талешкылан пӧлеклалтше кумалтыш тыште кажне ийын сорла тылзын икымше шуматкечынже эртаралтеш. Тушко Марий Эл, тыгак Российысе регионлаште марий-влакын тӱшкан илыме кундемлаж гыч онаеҥ-влак мият да пырля пелештат.
Акпатыр – марий легендын персонажше, кугу уш-акылым погышо, калыклан эре каҥаш дене полшышо, виян эмлызе лийын. Пикшыже пуреҥгайыме верыш тудым тоеныт, маныт.
1998 ий 15 августышто ты верыш памятникым шогалтеныт. А тудын ӱмбалныже серыме: «Марийлан вий-куатым пуэн шого!»
Кажне ийын Акпатырын шӱгарышкыже вуйым саваш шуко еҥ коштеш. Туштак кушшо куэн укшлажым ончалынат, тидым умылет: пеш шуко солык кеча. Кажне кумалтыш деч вара пайрем концерт, икте-весе деке унала коштмаш йӱлаш пуреныт, воза «Марий Эл» жаплышташ.
MariUver
MariUver 