Тиде изарнян, 29-ше агаште, Эстон чийӱлам кучен шогышо-влак посна пайремым – Мааэман (Мланде аван) шочмо кечыжым, тыгак Маахингаус але «мландын шӱлышыжӧ / шӱлалтымыже» семын палыме айом пайремлат. Тиде кечын пӱтынь пӱртӱс шнуй да тӱкаш лийдымылан шотлалтеш.
Тиде эстон-влаклан мом ончыкта? Калыкын кугу уш-акылже ойла: 29 майыште мланде каналта. Мааэма ден Таэваиза (Пылпомыш ача) ласкалыкым йодыт манын шотлат. Нине ойӧрӧ-влакым пудыртымаш уло ял калыклан эҥгекым ыштен але шурным локтылын кертеш.
Мом ышташ огеш лий:
- мланде пашам,
- шудым солаш,
- пушеҥгым руаш,
- пеледышым кӱраш,
- пӱсӧ арвер дене (кӱзӧ, товар, име) пашам ышташ,
- кугу йӱк-йӱаным лукташ,
- киндым кӱэшташ але шушо шовым шындаш (руаш ок оваре, шово ок шу манын шоненыт).
Тошто йӱла-влак: чоткыдын чарымым шотыш налде, тиде кечын историйыште шуко еҥан пайремымат шарнат. Мутлан, Хельме ден Йыелахтме тиштылаште еҥ-влак тиде кечым палемдаш, шнуй тулым пышташ да юмылан надырым пуаш кӱсотылаш да Йӓгала вӱдшуҥгалтыш воктене погыненыт.
Мааэма – эстон калыкын ик эн кӱлешан юмыжо, илышым пуышо да чыла чонаным пукшышо. Садлан 29 ага – эркышнаш, пӱртӱслан каналташ йӧным пуаш да Мланде авалан вуйым савалташ сай кече, воза Ахто Каазик Facebook мервотышто.
Maaema sünnipäeval on kogu loodus püha ja puutumatu
Артикльым тӱрысынек рушла тыште лудса /
Русский перевод статьи в полном объеме читайте здесь >>
MariUver
Фото: Ахто Каазик
тиште – приход,
вӱдшуҥгалтыш – водопад
MariUver 