Ага тылзын 20-шо кечынже 2018 ий гыч тӱҥалын кажне ийын Мӱкшын тӱнямбал кечыжым пайремлат. Тудо кызытсе мӱкш ончымо пашалан негызым пыштыше Антон Яншинын (1734–1773) шочмо кечыж дене кылдалтын.
Айон тӱҥ шонымашыже: мӱкшын кӱлешлыкше, мо але кӧ нунылан илашышт лӱдыкшым ыштен кертме нерген ушештарымаш.
Мӱкшын тӱнямбал кечыжым палемдымаш ты чонанлан кугу тӱткышым ойыраш кӱшта: нунын кушкылым шыркаҥдымаште, мӱйым да моло кочкыш сатум (мӱкшава шӧрым, мӱкш сортам, мӱкшкишым да т. м.) ыштен налмаште аклаш лийдыме суапыштым ончыкта.
Мӱкшын тӱнямбал кечыжым пайремлаш Словений темлен, УНО-н Тӱҥ Ассамблейже 2017 ий 20 декабрьыште тиде ой дене келшен да мӱкш шыркаҥдымыж дене пеш пайдале, нунын илышыштлан лӱдыкшым пытарыман, вияҥмаште надырыштым шотыш налман манын, палемден.
Мӱкшын тӱнямбал кечыже вашеш 2018 ийыште Словенийыште 2 евро номиналан шарныктыше оксам луктыныт, воза Википедий.
MariUver
мӱкшкиш – прополис,
УНО (Ушнышо Наций-влакын Организацийышт) – ООН,
Тӱҥ Ассамблей – Генеральный Ассамблей
MariUver 