Россий президентын 2025 ий 5 майыште лукмо кӱштыкшӧ дене келшышын, М. Шкетан лӱмеш Марий калыкле драме театрын уста сылнешке вуйлатышыже, талантан режиссёр Василий Пектеев «Тӱвыра да сымыктыш аланыште тыршымылан» медаль дене палемдалтын, увертара «Марий Эл» газет.
Марий Эл сымыктышын сулло пашаеҥже В. Пектеевын пӱтынь паша корныжо театр дене кылдалтын. 1980 ийыште Ленинградысе Театр, музык да кинематографий институтым режиссёр семын тунемын пытарыме деч вара М.Шкетан лӱмеш Маргостеатрыште режиссёрлан ышташ тӱҥалын.
1987 ийыште театрын тӱҥ кинорежиссёржылан шогалтат. 1992–2002 ийлаште, 2018 ий гыч таче кече марте – театрын сылнешке вуйлатышыже. Тыгак тудо Российсе шуко калыкле театрыште спектакль-влакым шынден.
В. Пектеевын шындыме спектакль-влак тӱрлӧ фестивальыште сеҥышыш лектыныт. Пытартыш ийлам гына налаш гын, тыгай улыт «Окса тул», «Кӧ кечым пӧртылта», «Югорно» постановко-влак.
Шкетан лӱмеш театрым таче Россий мучко палат, тӧрлӧ фестивальыш ушнаш ӱжыт гын, тыште сылнешке вуйлатышын надырже кугу, воза М. Шкетан лӱмеш театр.
Рушла Telegram-ыште лудса /
По-русски читайте в Telegram:
https://t.me/mariuver/750
MariUver
MariUver 