Пеледыш тылзын 5-ше кечынже Йошкар-Оласе тӱвыра да каныме рӱдӧ паркыште Йочам аралыме кечылан пӧлеклалтше Йоча пеледыш пайрем эртаралтеш. Тидын нерген Марий тӱвыра рӱдер шке вотлаштыкыштыже увертара.
Мероприятий марий йылмым тунемше уста йоча-влаклан полшаш, нунын коклаш усталык шӱлышым пурташ ман ышталтын. Марий Элысе тӱҥтуныктыш тӧнежлаште тӱвыра, шанче да мер пашаште чолган участвоватлыше тунемше-влак, тыгак марий йылмым тунеммаште сеҥымашке шушо йоча-влак мероприятийыш ушнат.
Республикын тӱрлӧ кундемлаж гыч делегаций-влак, кушко 5–8 класслаште 15 утла огыл тунемше пура, марий йылме дене шке саскале номерыштым – мурым але куштымашым ончыктат, ман ӱшанат. Уна-влакым пайремле почмаш, тӱрлӧ кумыдклаште модмо программе, айо концерт да чыла участник-влакым суапландарымаш вуча.
Пайремыш ушнаш манын, 23-шо ага марте mari-centr_konkurs@mail.ru электрон почтыш але +7-362 45-88-51 телефон дене йодмашым пуаш кӱлеш. Эртарыше-влак чыла коллективлан таумутым да шарнымашан призым кучыктат. Участник-влаклан транспорт роскотым да кочкышым колтышо вел петыра да ышта.
Марий Эл Республикын Тӱвыра, печать да калык-влакын пашашт шотышто министерствыжын да Йошкар-Оласе администрацийын полшымышт дене Республикысе марий тӱвыра рӱдер мероприятийым эртара.
MariUver
вотлаштык – вебсайт,
тӱҥтуныктыш – общеобразовательный,
тӧнеж – учреждений,
саскале – творческий,
пайремле – торжественный
MariUver 