Ага тылзын 9-ше кечынже Тарту университетын Нарве колледжше Европо кечым палемдаш тӱҥалеш. Тунемме тӧнежын фойештыже Йылме кафе почылтеш. Тиде гана тушто поснак финн-угор йылме-влаклан, нунын коклаште марий йылмыланат, тӱткыш ойыралтеш.
Мероприятий 13:00 гыч 16:00 марте эрта. Толшо-влак эстон, финн, венгр, ингерманланд финн, водь, коми, лив, марий да удмурт йылме-влак нерген утларак пален налын кертыт. Тидын деч посна Европысо моло йылме-влак денат палдарат: голланд, итальян, португал, француз, швед да немыч йылме-влак дене.
Йылме кафе программыште тӱрлӧ йылмым да тӱвырам палыше-влак дене вашлиймаш, оҥай сий да приз модылтмаш палемдалтыныт. Мероприятийын посна унаже-влак семын финн-угор йылме-влакым палыше-влак лийыт.
Марий йылме нерген «Таллинн марий ушемын» чолгаеҥже Жанна Тохт каласкалаш тӱҥалеш.
Европо кечын организаторжо Европо комиссий улеш. Йылме кафе эстонийысе Интеграций фонд дене пырля эртаралтеш.
Рушла Telegram-ыште лудса /
По-русски читайте в Telegram:
https://t.me/mariuver/720
MariUver
Фото: Родо-тукым калыкна-влакын еҥышт Финн-угор калык-влакын 2025 ийысе тӱвыра рӱдолажым почмаште Нарвыште
MariUver 