26 мартыште Санкт-Петербург оласе Калыкле литератур-влак книгагудышто «Калык вургем – калыкемын югыпогыжо» фотоончер почылтын. Тушто Ленинград областьысе «Ший корно» марий автономийын еҥже, профессионалле фотосӱретче Наталия Тяглован пашаже-влакым чумырымо, увертара «Кугарня» газет.
Уста ӱдыр Виче кундем Кӱльмӱж районысо Нурдуваш ялыште шочын-кушкын. Тысе школышто тӱҥалтыш шинчымашым налын гын, кугурак класслам ял деч лу меҥге тораште улшо Пистер школышто тунемын.
Тяглова 2019 ийыште утларак фотографироватлаш кумылаҥын. Тидлан лӱмын шкесомылан семын тыршаш тӱҥалын. Санкт-Петербург олаште да шочмо Кӱльмӱж кундемыштыже войзымашым эртара.
Фотографын «Калык вургем – калыкемын поянлыкше» фотоончерже – икымше кугу пашаже. Тудым Ленинград областьысе «Ший корно» марий автономий организоватлен. Уста ӱдыр ты автономийын – ик еҥже. Нуно Ленинград областьыште да Санкт-Петербург олаште илыше марий-шамычын илышыштлан вуйын шогат. Тӱрлӧ мероприятийым, концертым эртарат, воза «Кугарня» газет.
Ончер 24-ше апрель марте ышта.
MariUver
Фотом Наталия Тяглован «КонтактЫште» улшо аккаунтшо да моло вер гыч налме
шкесомылан – самозанятый
войзымаш – съёмко
югыпого – наследий
MariUver 