Эстонийыште финн-угор ончер пашам ышта

5 вӱдшорышто Йыхви оласе концерт пӧртыштӧ Нарвысе художник-влакын Vestervalli («Касвел чоҥга») ушемыштын Linnutee («Кайыккомбо кашта») лӱман ончержым почмо. Экспозиций финн-угор югыпогым да тудым таче кечылан келшышын ончыктымашым шымла.

Тиде событий 2025 ийыште Нарвыште Финн-угор тӱвыра рӱдола идалык да Этнофутуризм фестиваль кышкарыште эрта. Выставке тӱня шочмо нерген акрет годсо мифым да кызытсе сымыктышым иктыш ушен шога, ончышо-влаклан тӱрлӧ жап кокласе вашкылым ойыртемалтшын ончалаш йӧным пуа.

Экспозицийым Йыхвисе концерт пӧртыштӧ 30 апрель марте ончал савырнаш лиеш.