Кажне ийын вӱдшор тылзын 2-шо кечынже Йоча книган тӱнямбал кечыже пайремлалтеш. Тудым ятыр йомакым пӧлеклен кодышо Даний гыч серызе Ганс Христиан Андерсенын шочмо кечыж дене кылдат.
Пайрем эн ондак 1967 ийыште эртен: организатор-влак мландышарысе йоча-влаклан тыланымашым возеныт – кузерак книга тӱрлӧ калык коклаште икте-весым умылаш полша. Тиддеч вара кажне ийын йоча писатель-влак изи лудшо-шамычлан тыгай тыланымаш-влакым колтат, а сӱретче-влак сӧрал плакатым сӱретлат.
MariUver
MariUver 