Тарту олаште 21 гыч 26-шо февраль марте Эстонийын эрыкан лиймыжлан 107 ий теммым кумдан палемдат. Программыште пайремле мероприятий, концерт да тӱшкан веселитлымаш-влак улыт.
21 февральыште Тарту университетыште шанче да туныктымо пашаште ойыртемалтше пашаеҥ-влакым палемдат.
22 февральыште Эстон калыкле тоштерыште олан почётан гражданже-влакым чеслат, нунын коклаште кумдан палыме шанчызе-влак да политик Андрус Ансип лийыт.
24 февральыште, Эрыкан лийме кечын, тистым пайремлын нӧлталыт, колышо талешке-влакын шарныктышышт деке венокым пыштат да Калевипоэглан чапкӱ деке таҥошкылмаш эрта. 10 шагат эрдене обсерваторий воктене кугыжаныш тистым чапландарыме церемоний эртаралтеш.
Тиде кечын уна-влак Эстон калыкле тоштерыште эре улшо «Вашлиймаш-влак» ончерым яра ужын, Ратуша кумдыкышто тӱшкан пайремлымаште лийын да республикын лӱмгечыжлан пӧлеклалтше концертым ончен кертыт.
Пайрем мероприятий-влак 26 февральыште Шнуй Павлын черкыштыже концерт дене мучашлалтыт.
Рашрак рушла Telegram-ыште лудса /
Подробности по-русски в Telegram:
https://t.me/mariuver/368
MariUver
пайремле — торжественный,
чеслаш — чествовать,
пайремлын — торжественно,
чапкӱ — монумент.
Шнуй Павыл — Святой Павел
MariUver 