Шуматкече кастеным, 15 февральыште, Эстон муро — Eesti Laul 2025 конкурс эртен. Тушто 16 исполнитель лийын. Сеҥышыш Tommy Cash мурызо Espresso Macchiato муро дене лектын.
Тудо 13-17 майыште Швейцарийысе Базель олаште эртыше Евровидений-2025 муро конкурсышто Эстонийын представительже лиеш.
Сеҥышым кок тапыр дене эртыше йӱклымаш рашемден. Икымше турышто жюрин пуымо да ончышо-влакын телефон дене пуымо йӱкыштым иктыш ушен кум суперфиналистым рашемденыт. Тушко Tommy Cash, An-Marlen, Андрей Зевакин ден Karita логалыныт.
Суперфиналыште сеҥышым телефон дене йӱклымаш рашемден — ончышо-влак кокла гыч 83 процентше Espresso Macchiato мурылан йӱкыштым пуэныт.
Суперфиналыш логалше-влак тыгай верым налыныт:
1. Tommy Cash — Espresso Macchiato
2. Андрей Зевакин ден Karita — Ma ei tea sind («Мый тыйым ом пале»)
3. An-Marlen — Külm («Йӱштӧ»)
Эстон муро 2025-ым рушла комментарий дене Jupiter+ лаштыкыште ончаш лиеш.
Ушештарена, Марий Элыште шукерте огыл «Идалыкысе муро 2024» эртыш. Марла кӱчыкын тыште да рушла рашрак Telegram-ыште лудса.
MariUver
MariUver 