13 кылмыште Калык-влакын тӱвыра пӧртыштышт «Мунло» интеллектуал марафон лиеш. Республик кӱкшытан ты мероприятий тений Ешын идалыкше кышкарыште эрта да Марий Эл Республикын 104 ияш шочмо кечыжлан пӧлеклалтеш, увертара «Марий Эл» газет.
Марафоныш кундемнан кажне школжо ушнен кертеш. Лачак куд еҥан командым чумырыман, капитаным ойырыман. Модыш кум раунд гыч шогаш тӱҥалеш «Шочмо кундемын лӱмлӧ еҥже-влак», «Марий йылме ден литератур», «Марий калыкын йӱлаже». Кумытыштыжат 12 йодыш лиеш.
Сеҥыше команде кубок дене палемдалтеш да чемпион лӱмым налеш.
Мероприятийыш ушнаш кумылан-влак йодмашым 31 шыжа марте mari-centr_konkurs@mail.ru электрон почтыш колтышаш улыт, воза Лидия Шабдарова «Марий Эл» жаплышташыште.
MariUver
кылме — ноябрь
шыжа — октябрь
жаплышташ — газет
MariUver 