6 августышто «Авангард» рӱдерыште финн-угор йоча да самырык-влакын лагерьышт шке пашажым тӱҥалын. Ты гана тудо 33-шо гана эртаралтеш, увертара «Кугарня» газет.
Тышке Марий Эл, Башкортостан, Карелий, Мордовий, Татарстан, Коми, Удмурт Республикла, Угарман, Виче областьла гыч 30 йоча толын. Нуно 12 август марте лийыт да тӱрлӧ программыште участвоватлат.
Ты гана слётышто Финн-угроведений университет пашам ышта. Тыгак организатор-шамыч финн-угор калык-влак дене кылдалтше занятий-влакым темлат. Нуным тыге лӱмдымӧ: «Финн-угор-шамыч, кӧ ме улына?», «Калык мутсаска», «Финн-угор калык модмаш да куштымаш», «Калык семӱзгар-влак». Нине уроклашке коштын, самырык-шамыч модмо йӧре зачётым сдатлат да университетыште тунемме нерген дипломым налыт.
Ты лагерьым тений Марий Элысе самырыктукым политике комитет ден «Эр вий» йоча да ийгот шудымо-влакын ушемышт эртарат. Тыште 12-18 ияш йоча ден самырык-шамычым шке да родо-тукым калыкым утыр палаш кумылаҥдат.
Кажне делегацийын кечыжым, калык-влакын модышыштым эртарат, тӱрлӧ кидпашалан туныктат да ваш келшен илаш таратат, воза «Кугарня» жаплышташ.
Лагерьым почмо нерген видеосюжет-влакым тыште ончыза >>
MariUver
Калык мутсаска — Устный калык творчестве
MariUver 