Ӱмаште Марий книга савыктышыште Леонид Яндаковын «Ший калык» сборникше ош тӱням ужын. Книгашке серызын ойырен налме тӱрлӧ жанран драматургий произведенийлажым чумырымо.
Tиде «Алгаштарыме ӱдыр», «Карман», «Тулык ава», «Еҥгавате», «Тымык кастене», «Ший калык» драме-влак; «Опкын» трагикомедий; «Пеледыш пайрем», «Воштылаш гын воштылаш», «Пусаксолаште томаша», «Йӧратымаш? Йӧратымаш! Йӧратымаш…» комедийлаже да «Йолан тӱмыр» фарсше.
Сборник марий сылнымутым пагалыше да йӧратыше лудшыеҥ-влаклан темлалтеш.
Книгам Марий Эл Республикын «2013–2025 ийласе жаплан Марий Эл Республикын кугыжаныш калыкле политикыже» кугыжаныш программыж почеш савыктыме.
Савыктышын данныйышт-влак:
Л. Яндаков. Ший калык
Яндаков, Леонид Логинович. Ший калык: пьесе-влак / Л.Л. Яндаков; Е.Л. Петрова, Т.Н. Беляева, В.Г. Петров ямдыленыт. — Йошкар-Ола «Марий книга издательстве» савыктыш пӧрт, 2022. — 488 с.
ИСБН 978-5-7590-1333-4
Тидын нерген «Марий книга издательстве» савыктыш пӧрт шке лаштыкыштыже воза.
MariUver
MariUver 