Сорла тылзын 9-ше кечынже Тӱп калык-влакын тӱнямбалысе кечыштым палемдат.
1994 ийын 23 декабрьыште Иктыш ушнышо Наций-влак Организацийын Тӱҥлӧ Ассамблейже кажне ийын 9-ше августышто Тӱп калык-влакын кечыштым палемдаш тӱҥалме нерген пунчалым луктын. Лач ты кечын 1984 ийыште тӱп калык-влак шотышто паша группын икымше заседанийже эртен.
Тӱнямбалне 476 млн тӱп калык гыч еҥ 90 эллаште ила. Кеч тӱнямбал калык гыч нуно 5% веле улыт, эн нужна-влак коклаште гын нуно 15% шуыт. Шым тӱжем наре тӱнямбал йылме гыч, кугырак ужашыже тӱп калык-влакын йылмышт.
2022-2032 ийла Тӱп калык-влакын йылмыштын тӱнямбал луийышт семын увертаралтын.
MariUver