Пи йых Калевала — у сӓрӹмӹ тетялык книгӓ

“Пи йых Калевала” лӹмӓн тетя книгӓм финн йӹлмӹ гӹц кырык марлашкы Юлия Куприна сӓрен. Ти книгӓм Мары Элӹн кого юбилейжӹ лӹмеш йори тетявлӓлӓн сӹлнӹ пӓлӹ семӹнь йӓмдӹлӹмӹ. Книгӓм HTM hõimurahvaste programm палшык доно лыкмы.

Финн сирӹзӹ Маури Куннас тетялык книгӓжӹм карел дон финн халыквлӓн эпос “Калевала” негӹцеш сирен. Но тетя книгӓн геройвлӓжӹ пи йых дӓ пирӹ род гӹц ылыт, ти цуцавлӓ лоштышты тӓнгӓшӓт, кредӓлӹт. Тенгелӓ Йыдпелвел шӹргӹштӹ тамахань тымашавлӓӓт лиӓлтӹт, кышты тенгеок котивлӓ изи агыл рольым мадыт.

Икманяр шая книгӓн авторжы гишӓн. Маури Куннас 1950-шӹ ин Ваммала лӹмӓн изи финн халашты шачын. Графикеш тымень лӓкмӹкӹжӹ, газетвлӓштӹ карикатурывлӓм рисуен, тенгеок комиксвлӓ доно пӓлӹмӹ лин. Тӹмӹкӹ Куннас тетя книгӓвлӓм сирӓш тӹнгӓлӹн. 1980-шы ивлӓн тӹдӹ книгӓ серим лыктын, кышты тӹнг персонажвлӓжӹ пивлӓ ылыт: “Пи йых сола пӧртӹштӹ”, “Пи йых телӹм” дӓ молат.

Книгӓвлӓжӹ тетялык ылыт гӹнят, автор темым яжоракын пачын пуаш манын, сирӹмӹжӹ анзыц шӹрпӹ якте цилӓ шӹмлен лӓктеш. Шамакеш, кыце перви пӱштӹрӹм пидӹнӹт, ӱм шӹшкӹнӹт дӓ тӹлец молат. Книгӓн иллюстрацивлӓжӹмӓт автор ӹшке сирӓ. Авторлан книгӓм сӹлнештӓрӓш пелӓшӹжӹ палша. Маури дон Тарья Куннасын иллюстрацивлӓштӹ пиш ӹшке статян ылыт: ик картинок шукы изи элементӓн ылеш, седӹндоно книгӓм лыдын лӓкмӹкӹ, нинӹм угӹц дӓ угӹц тусарен анжымы шоэш.

Маури Куннасын книгӓвлӓжӹм 37 вескид йӹлмӹшкӹ сӓрӹмӹ. Ӹнде кырык марын тетявлӓлӓнӓт цевер картинӓн книгӓжӹ доно пӓлӹмӹ лиӓш йӧн улы. Книгӓ сӓрӹзӹн шанымаштыжы, изи годым ма лиӓлтмӹм мӓ раскыдын ӓштенӓ. Тенгеок тетя годым ма лыдмы шӹренок яжон ӓшӹндӓрӓлтеш дӓ шамыш курымеш вазеш. Седӹндонок тетялык книгӓвлӓм лыкташ цацымаш.

Ти книгӓ проект вычыдымын кужын шыпшылтын. Таллинн Мары ушем гач Родньык халыквлӓн программыжыHTM hõimurahvaste programm гӹц грантым нӓлмӹкӹ, книгӓ проект содыки реализуялты. Финляндиштӹ текстӹм сӓрӹмӹ дӓ вёрсткым йӓмдӹлӹмӹ. Мары Элӹштӹ редакци дон правкым ӹштӹмӹ. Корона-пандеми велдӹк книгӓм Таллиннӹштӹ пецӓтлен лыкмы. Сӓрӹмӹ книгӓм Мары Элӹштӹ библиотекӹвлӓшкӹ, школвлӓ дон тетя пичӹвлӓшкӹ, культура доно кӹлдӓлтшӹ учрежденивлӓшкӹ культура отдел пайыла лиэш.

Книгӓн сӓрӹшӹжӹ дӓ проектӹм видӹшӹ лӹм доно, кого тау цилӓлӓн, кӱ ти книгӓм йӓмдӹлӹмӓштӹ палшен!

Юлия Куприна

1 комментарий

Filed under Йоча-влаклан, Книга-влак, Увер-влак, Фото-влак

One response to “Пи йых Калевала — у сӓрӹмӹ тетялык книгӓ

  1. Уведомление: Вышла детская книга на горномарийском языке | MariUver

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google photo

Для комментария используется ваша учётная запись Google. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s