Иван Ивановын “Тау тылат, автономий!” книгаже Марий Эллан 100 ий темме лӱмеш савыкталтеш. Савыктыш республикысе Пожар ваштареш кучедалше службо нерген каласкала.
Тудо ныл ужаш гыч шога. Икымше ужашыште пытартыш курым жапыште Тулсорлык службын кушмо корныжо ончыкталтеш. Архивлаште погымо материал негызеш республикысе службо Российысе кугыжаныш пожар ваштареш кучедалше службын кушмо корныжо дене пырля ончалтеш.
Книгаште марий кундемыште тӱрлӧ жапыште лийше пожар-влак, тудын ваштареш кучедалме сомылын вияҥ шогымыжо нерген рашемден ончыктымо. Кокымшо ужашышке тулсар герой-влак да тиде сомылыш кугу надырым пыштыше ветеран-влак нерген материалым пуртымо, лудшо-влаклан тидым прозо да поэзий гоч палдараш тыршыме.
Кумшо ужашыште, тулсорлык службыш патриотизм шӱлышым пуртен, сомылыштым калыклан умылтарен, улшо проблемыштым рашемден да калыклан могай йӧн дене туллӱдыкшым кораҥдаш кӱлмым сылнымут гоч вияҥден каласыме.
Нылымше ужашыште пожар ваштареш кучедалше службын эртыше курымышто кушмо хронологийжым кӱчыкын ончыктымо.
Книгаш чумырымо материал калыкнам элым йӧратыме шӱлыш дене шуаралташ, пожар лӱдыкшӧ деч аралалташ, элнам, кундемнам утларак йӧраташ тарата.
Марий книга савыктышын материалже негызеш
MariUver
MariUver 