Евгений Иванов «А тый муралте»

Мутшо И.Закиеван,
семже В.Осиповын
Евгений Иванов мура

Кунам шӱм-чоным нелылык туржеш,
Паша ок ушно, кид гычын велеш.
Кунам ӱшаным йӧршын йомдарет,
Шарналте, уло тыйын йолташет.
Тӱняште ик гана ме илена,
Пиал ден темже кажне кечына.
Эреак лийже кӱшнӧ кумылна,
Тунам чыла осалым сеҥена.

А тый муралте, а тый муралте,
Ласкан муралте, йолташем.
А тый кушталте, коклан шӱшкалте,
Куштал, тавалте воктенем.

Могай куан мемнан чоныштына,
Чылан ме таче тыште улына.
Йолташ, пошкудо, родо-тукымна,
Изай-акай, тулар-тулачына.
Айста чылан пырля муралтена,
Кушталтена, пырля тавалтена.
Тек тиде муро чонышто кодеш,
Кумда тӱняште порын йоҥгалтеш.

А тый муралте, а тый муралте,
Ласкан муралте, йолташем.
А тый кушталте, коклан шӱшкалте,
Куштал, тавалте воктенем.

А тый муралте, а тый муралте,
Ласкан муралте, йолташем.
А тый кушталте, коклан шӱшкалте,
Куштал, тавалте воктенем.

Мурын mp3 файлжым ru.kachevo.org лаштык, мутшым — 2020 ий 12 март «Сурт-пече» газет гыч налме

MariUver