Лариса Сидоркина «А мый палем»

Мутшо Татьяна Пчёлкинан,
семже Сергей Байназовын
Лариса Сидоркина мура

Кайыккомбо кашта вуй ӱмбач чоҥешта,
Эн мотор пагытнам ужатен.
Чон куаным сӧрен, кумылем пелешта:
«Ӱшаналын вучем пӧртылмет».

А мый палем: уке омет,
А мый палем: йӱла шӱмет.
А мый палем: толат, шонем,
Ваш йӧратен илаш шонен.

Ломбо семын тылат пеледалтын кертам,
Йолгорнет шӱдыр гай волгалтем.
Ок мондалт нигунам, ал тӱрвет – снеге там,
Теле кас, сылне сем – ушыштем.

А мый палем: уке омет,
А мый палем: йӱла шӱмет.
А мый палем: толат, шонем,
Ваш йӧратен илаш шонен.

Кайыккомбо кашта у эр шошым конда,
Ший кол дене модеш эҥер вўд.
Могай сылне кава, илыш вийым конда,
Шымата мыйымат ныжыл йӱд.

А мый палем: уке омет,
А мый палем: йӱла шӱмет.
А мый палем: толат, шонем,
Ваш йӧратен илаш шонен.

Мурын mp3 файлжым new-music24.ru лаштык, мутшым — 2020 ий 6 февраль «Сурт-пече» газет гыч налме

MariUver