Йошкар-Олаште X Марий калык погын таче, 15 апрельын, кокымшо кече шке пашажым ышта. Мыланна Василий мом ужмыж-колмыжым да шке шонымыжым сеъезд гыч вик воза.
Погынышто энергетике уке гай шижалтеш. Иванов шке ойлымыштыжо «кӱлеш-кӱлеш-кӱлеш» гына мутым кучылто.
Самырык тукым секцийыште
Самырык тукым секцийыште лийым. Секцийыште эн ончыч марий самырык коклаште тӱрлӧ субкультуро-влак кузе палемдалтыныт манын каласкалышт. Вара тора гычын толшо-шамыч докладым ыштышт.
Пошкырт кундем гыч рвезе «марий йылме кӱлдымыш савырнен» манын палемден. Тидым тӧрлаш калыклан кӱлеш манын утларак каласкалаш темлыш. Одо, Татарстан кундем гыч толшо-влак кузе тӱрлӧ марий мероприятий-влакым эртарымышт нерген ойлышт.
Владимир Иванов самырык-шамычлан корным палемдаш тӧчыш: кушто улына, кушко кайыман, да кузе тушко каяш.
Андрей Герасимов палемдыш: кунам айдеме сайын илаш тӱҥалеш, тунам веле марий йылме нерген шонаш тӱҥалеш.
Марий йылме кӱлдымыш савырна манын шукын ойлышт, южыжо молан тыге лийын манашат тӧчышт. Мыят тиде йодышым тарватышым, да тидын амалжылан республикыште закон-шамычыште ситыдымаш улмым ончыктышым. Резолюцийыште тидым палемдаш йодым. Ешартышлан кугыжаныш статистике службылан самырык коклаште марий йылмын кӱлешлыкшым вискалаш тӱҥалаш темлышым. Палемдышым, могай цель дене Марий Эл ышталтын: марий калыкым арален кодаш да тӱзланаш йӧн лийже манын. Ӧрдыж гычын толшо-влак дечын йоднем ыле, кузе нуно Марий Элым тыгай рольышто ужыт, мо ок сите. Но жап уке манын чарышт.
Мучашлан вӱдышӧ самырык-шамычлан тӱрлӧ грант-влак конкурслаш проект-влакым возаш темлыш.
«Йыргешке ӱстелыште»
Кызыт «Йыргешке ӱстелыште» шинчем. Тиде ӱстел огыл, а залыште калыкым погеныт да адакат Мер Каҥашын еҥже-влак сцене гычын докладым ыштат.
Анатолий Радыгин оҥайын ойлыш:
Марий калык кум корно дене кая:
1) «Марий ушем» ден «Марий тӱня — 21-ше курым»;
2) Ӧрдыж марий-влак;
3) Мер Каҥаш.
Мер Каҥаш чыла марий калыкым ушышаш. Но таче йӧсылык уло. Кунам шояк ешыш пура, еш шаланен кая. А вара шоя тиде чын манын, чылан ӱшанаш тӱҥалыт. Кунам шоя мер илышыш пура, тунам тудо шалана.
Ончалына Мер Каҥашым. Мер Каҥашыште шоя ила: Мер Каҥаш лӱм уло, а кӧргыштыжӧ мо уло? Могай организаций-влак тудлан негызым пыштыше-влак (учредитель-влак) коклаш пуреныт? Нимогай. Структуро уке. Мер Каҥаш уло, а структуро уке, учредитель уке, устав уке. Кумшо погын гыч мо нерген гына огына кутыро, тӱрлӧ резолюцийым возена. Кажне министрлан йодмашым серена, а шкаланна — уке.
Мер Каҥашын тӱжвал авыртышыже (оболочкыжо) уло, капшым гын эше пурташ кӱлеш.
Шке погынышто пунчалым лукна: Оньыжа воктен командым погаш, кудо министр-шамычлан мемнан йодмашна-влакым шуктыжо манын.
Ме тӱрлӧ улына (оппозиционер да молат), да тыште чыла мемнан вийна. “Марий ушем” денат пырля пашам ышташ ужӧ А.Радыгин.
Михаил Васютин мутым нале. Моктаныш да шкенжым чыныш лукташ тӧчыш.
Олег Третьяков Татарстан гычын мутым нале.
Ялыште марий йылмым огына туныкто, а олаште мом ыштен сеҥена? Озаҥыште рушарнясе школышто марла туныктен она керт, мураш кушташ веле.
Татарстанысе калык-влак погын нерген: тушто оҥайрак толкын (движений). Мыланна шоналташ кӱлеш: молан ты толкынжо кӱлеш, тӱҥжӧ, вожшо уке гын.
Могай организаций-влак улыт, нунын съездышт лийшаш.
Кажне организаций дечын представитель-влак улыт гын, сайрак.
100 ий ончыч илыш весе лийын. Молан ик историкат ыш каласе: Пӱрӧ (Бирск) погынышто могай тӱрлӧ калык лийын, партий да монь.
Таче тӱрлӧ организаций тыште погынен, “Марий ушемат” уло, тиде пеш сай.
Таче пеш куаненам толмемлан, но мӧҥгӧ миймеке мом ойлаш? Сайынрак илаш тӱҥалына? Тыге чиновник-влак ойлат. Мураш кушташ тӱҥалына? Кастенат муралтена кушталтена. Садлан тиде йодыш шумлык эше шоналтыман.
Марий Элыште мыланна литератур дене да моло дене эҥертышым пуат гын, сай ыле.
Татар йылме дене обязательный тестирований 25 апрельыште лиеш, а марий-влак шочмо йылмынам тунемаш але уке манын шонкален киена. Ме йылмынам, тӱвыранам, йӱланам арален кодышаш улына.
А кугыжаныш тидын шотышто кузе полшен сеҥа (шийвундо да моло грант), шоналтыман, кошартыш шке ойжым О.Третьяков.
Самырык тукым секцийыште эше курыкмарий рвезе курыкмарий калык пытен толмо нерген каласен.
Кызыт каныш.
Василий К. Эскерыше
MariUver 
Тиде мер Канашым пужаш да Российысе автономий пелен эҥерташ-тиде чын корно! Вет Мер Канаш марийым пытараш ышталтын! Оньыжамат вес кундем гыч ойыраш. ИК КВАРТАЛЛАН КУЗЕ ГЫНАТ ТОЛЫН кая . Вет кызыт пашам ышташ интернет гочын лиеш,скайп да монь уло. А самырык еҥым шындаш-тиде мыскылтыш лиеш,кудо нимомат ок пале да кудын авторитетше уке. Тиде мый Александров нерген ойлем. Могай тудо оньыжа? Уш-акылже да шилыш опытшо уке. Правитальствын,Васютинын,ушыжо каен мо?Илен толдын историй каласа… Лийза,марий калык,,ушанрак. Айста чон почын сайлена,а кутаным нулен огыл . Тендам пукшен-йӱктат да чыла сомыл шукталтеш шонеда мо? Ме марий калык ончылно мутум кучена,мыланна йонылышым ышташ огеш лий. Йӱклыза чон йодмо почеш. Тек оньыжа ушан-шотан лиеш,а йоча огыл. Мутлан,О. Треьяковымак сайлаш лиеш. Тудо шотан айдеме. Тудын школыштыжо чыланат марла мутланат да марий йӱлам аклат…
Тыште Никитин С.П. тидын шотыштак воза:
https://mariuverm.wordpress.com/2016/04/06/onyzha-metv/#comment-1981
Тыгак Активист:
https://mariuverm.wordpress.com/2016/04/06/onyzha-metv/#comment-1982
Так и хочется воскликнуть :»Остановите землю- я сойду!». Неужели мерканашевцы считают марийский народ стадом глупых барашков? По причине «бурной деятельности» их ряды и так редеют. Вливания молодой здоровой массы не имеется. Какой из свадебного генерала Третьякова—Оньыжа?Для своей темной деревушки со школой времен царя гороха—возможно он что-то значит(хотя все кулегешские высказываются о нем негативно), но — Оньыжа?….нет сильного лидера и в ближайшем будущем не предвидится!..все сделано для того, чтобы их не было!
В Татарстан с марийским движением все гораздо хуже. Как там пишет Елена, Третьяков О.А. — свадебный генерал. Про достижения «генерала» на этом поприще. Да был «парад» местных НКА. Все получили юридический статус. А дальше что сделано…. Спроси любого про личный вклад генерала. НИЧЕГО. Псевдоконференции проводимые в Казани, в Менделеевске…. Какие решения там приняты. И сама процедура проведения конференций… Курам на смех. Отдельная тема выборы делегатов на 10- съезд. Его фактически не было.
Как-то видели выступление ансамбля под руководством Третьякова. Это вообще позорище выставлять такой коллектив на мероприятиях республиканского уровня. Стыдно за наш народ с такой культурой (песенной и танцевальной) что популяризуется этим ансамблем. Как заявил сам Третьяков, он входит во множество разных комиссий во властных. А только
Ик Погын эртен кая, вара весе, а мари-влак чотлат веле: — чотна шагалемын, мари йылме кӱлдымаш лийын, ял пыта, калык шалана, и т.м. Пеш неле тидым колышташ, шонаш да умылаш. Сандене, тыге шонем: — кеч лу — латвич мари, шкаланже огыл, а калык верч, кеч мом гынат ышташ шӱмаҥже ыле, Погын деч вара.
Кушто лийыч ты марте, Никитин йолташ? Таче гына ужыч мо марий йылмын кӱлдымаш лиймыжым? Шымле ий совет элыште марий йылмын пытараш тыршышт . Ожнак мыланна, кумышо классыште тунеммына годымак, туныктышына марла йылме ок кӱл, рушла тунемза манеш иле. Ялыште калык, колхозышто, пеш нужнам ужын илыш — шӱкшӧ коммунист-влак.ӱмыреш марий калыкым мыскылышт. Марий калык садлан шке икшывыштым рушла туныкташ тырша иле нужна илыш деч утлаш манын икшывыштым олашке илаш колташ. Никитин йолташ, тунаре марий йылмылан тургыжланет ыле гын, молан Свердлов олашке илаш тольыч? Код иле совет пагытыштак ялыште марий йылме тунуктушылан.
Выберите Козлова,опытного авторитетного,умного человека!
Пагалыме ФСБ пашаен-влак, молан Марий Эл республикыште провайдер-влак мемнан праванам пудыртат, сайтыш лекташ йоным петырат? Икгана суды пуаш гын веле чылаштым!
Уведомление: Погынын кумшо кечыже | MariUver