«ВийАр» тӱвыра да келшымаш кыл ушем да Тимофей Евсеев лӱмеш тоштер ынде ик ий утла «Йыргешке пӱкен» лӱман шкешотан клубын погынымашышкыже чумыргат. Тыште нуно оҥай да ойыртемалтше теме-влак почеш мутланымашым эртарат.
Черетан вашлиймаш йылмышанче кандидат, Хельсинки университетын доцентше, палыме этнограф Ильдико Лехтинен (Ildikó Lehtinen) дене эртен.
Активист-влак калык кокласе да самырык тукымлан келшыше проект-влак нерген каҥашеныт. Марий вургемым тыглай кечын чийыме нерген мутым луктыныт.
Палемдыман, тыгай погынымаш оҥай еҥ дене вашлияш, усталык кӱкшытым нӧлташ да шке шонымашым илыш шыҥдараш полшен шога.
Николай Любимов,
«Кидшер» интернет-журналын тӱҥ редакторжо
Налмывер: ВийАр
MariUver 