Чумбылат курыкышто кумалтыш эрта

Чумбылат курыкышто кумалтыш годым23 июньышто Киров кундем Советский районысо Чумбылат курыкышто кумалтыш лиеш.

Ынде кумалтыш рушарня еда эрташ тӱҥалеш. Йошкар-Ола гыч каяш кумылан-влак +7 — 927 877 57 49 да (+7-8362) 458 851 тел. дене йыҥгыртен ондак возалт сеҥат. Автобус эрдене 7 шагатлан мер-политик рӱдер гыч (Гагарин проспект, 8-ше  пӧрт) тарвана.

Тиде кумалтышыште фото да видео съемкым ышташ огеш лий.

Кумалтышым эртарыше-влак

1 комментарий

Filed under Увер-влак

One response to “Чумбылат курыкышто кумалтыш эрта

  1. Лайд

    Поро!
    Чумбылатлан вуй саваш мийыше-влак лӱм дене тыгак вуйым савыме шуэш Вячеслав Михайлович Мамаевлан да тудын йыр чумыргышо моло онаеҥ-влаклан.
    Кумалтышна алал лийын.
    Калыкын чонжо куштылемын, икте-весе деке чак улмыштым шижыныт. Кумалтыш гыч у вий-куат дене пӧртылыныт.
    Тек тыгай кумалтыш шочмо калыкланна марий ончыклыкым чоткыдемдаш полша.
    Ятыр тат куандарыш. Нунын кокла гыч тӱрлӧ марий-влакын иктылыкышт. Вет нуно Моско гычынат шукын толыныт, Виче кундемысе Кикнур, Малмыж, Пижанке, Уржум да моло районла, Башкортостан, Татарстан да Угарман могыр гычынат лийыныт.
    Ме марий книгам намиенна ыле. Кажне ий келгынрак рашемда: отышто кумалше-влак марий книгам эн чулымын налыт. Марий йӱла тема гыч тӱҥалын, поэзий да прозо марте. Сандене книга йӧратыше-влакын ото воктенсе кумылыштым ончен, тыгайрак иктешлымашым ышташ лиеш: чимарий йӱлам кучышо марий-влак эн чот лудшо да сылнымутым йӧратыше улыт. Тиде нимыняр кугемдымаш огыл. Тидын нерген ойлат куштылемше сумкана-влак. Эсогыл Йошкар-Ола кевытыште шукертсек тыглай кийылтше Ким Васинын “Чумбылат могучий” книгаже шыр-гор гына каен колтыш.
    Весат рашеме: Чумбылат нерген чапле у книга кӱлеш. Сандене тоштер пашаеҥ-влак тиде сомыллан пижаш сӧреныт.
    Тыгак Юмылан пелештыме тӱрло сынан книгат моткочак кӱлешан, пеш шукын йодыч. Нуным кумдаҥдыман, маныт нуно.
    Иктешлаш лиеш – марийлан марий йӱла кӱлеш!
    Тысе кумалтышат тидым сайынак пеҥгыдемдыш.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s