Чон ӱжеш Марий паркыш

Пайремыште Анатолий Зарецких мураш тӱҥалешПеледыш тылзын 21 кечынже Йошкар-Ола Чарла кремльыште «Чон ӱжеш Марий паркыш» каныме кас лиеш.

Шукышт, векат, тачат шарнат, кузе кажне шошым Марий паркыште мурен-куштен «киеныт», ала ончыкылык шӱмбел пелашыжымат вашлийыныт. Икманаш, марий сем почеш чон канымеш веситленыт, вара йӧратымаш кумылат ылыжын. Кызыт саде парк олмышто кермыч гыч карманым чоҥен шынденыт.

А те, самырык-шамыч, ончалнеда, кузе тендан ача-авада-влак шке жапыштыже каненыт?

Теве самырыкшыланат, кугуракшыланат могай сай йӧнже! «Чон ӱжеш Марий паркыш» каныме кас лиеш. Тиде кечын гармонь почеш мурен-куштен кертына. Тунамак тачысе илышлан келыштарыме фольклор сынан муро-влакат йоҥгаш тӱҥалыт.

Пайрем касым сӧрастарат: Зинаида Долгова, Лариса Сидоркина, Анатолий Зарецких, кум гармонист – Родион Алексеев, Артур Ефремов, Саша Иванов… Мурышо да куштышо ансамбль-влак лийыт. Вӱдышӧ – чолга артист Александр Кожевников (Мурызо Эчан).

«Чон ӱжеш Марий паркыш» каныме касым «МАРИКИНО» организаций ден «Чарла кремль» тӱвыра-историй комплекс эртарат. Пайрем 18 шагатлан тӱҥалеш.

Налмывер: Арслан

4 комментария

Filed under Видео, Увер-влак

4 responses to “Чон ӱжеш Марий паркыш

  1. Й-Ола марий

    Чонжо ӱжеш да… Марий паркше уке. Тушто ала-могань шучко Царевококшайский кремльым чоҥен шынденыт. Саде Царь оладым да карманетым вет марий-влакым тӱрысынек сеҥен налаш, руш йымак пызыралаш ман ожно чоҥеныт улмаш вет. Кузе марий еҥ тыгай верыште чонжо дене канен кертеш? Адак марий паркышкыже калык шке кумылын коштын яра пурен… А тыште пайремыш пураш шагал огыл оксам луктын пыштыман.

  2. Аноним

    Вожылмашда уке. Марий паркышке калык канаш коштын- тиде яра лийын. Организатор-влак, кеч «марий дискотека» манза. Тунам умылаш лиеш…
    МАРИЙ ПАРКыш каена, КРЕМЛЬЫШ огына КАЙ!!!!!

  3. Лайд

    Поро!
    Марий паркым — Каныме рӱдӧ паркыште!!!

  4. Какшан марий

    Фу у у! Тиде шучко ала могай кремль манмышке мый гын йолемымат ом пыште, мураш кушташ огыл вет! Шкендам пагаледа гын, ида кошт тушко марий-влак! Лайд чын ойла, рӱдӧ паркыште каныман

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s