Йоҥгалт, марий пайремна! Чаплане, шӱмбел калыкна!

Пеледыш пайремШушаш шуматкечын, 15 июньышто, Йошкар-Олана регион-влак кокласе Пеледыш пайрем шӱлыш дене авалталтеш.

90 ий ончыч тудо олаштына, Краснококшайскыште, икымше гана эртаралтын. Курым наре жап эртымеке, Пеледыш пайрем у семын йоҥгалтеш. Мер Каҥашын темлымашыжым шотыш налын, Марий Эл правительстве пунчалым луктын, оргкомитет ышталтын. Тудым Марий Эл Правительствым вуйлатышын алмаштышыже, культур, печать да калык-влакын пашашт шотышто министр М.Васютин вуйлата.

Изарнян оргкомитетын кокымшо заседанийже лийын, да тунамак пресс-конференцийым эртареныт. Тушто оргкомитетым вуйлатышын алмаштышыже, Марий Элын тӱвыра, печать да калык-влакын пашашт шотышто министрын алмаштышыже Г.Ширяева, Кугыжаныш Погын вуйлатышын алмаштышыже, Оньыжа А.Иванов, Марий культур рӱдерым вуйлатыше В.Григорьев да рӱдерын пашаеҥже И.Садовин лийыныт. Нуно Пеледыш пайремын сценарийже, ойыртемже дене палдареныт.

Эн ончычак палемдыман: тиде – марийын веле огыл, республикысе чыла калыкын пайремже. Тидымак шотыш налын, калыкле-тӱвыра ушем-влакын концертышт лиеш. Марий-влакын тӱшкан илыме кундемла гыч 20 еҥан делегаций- влак толыт. Ӱмашсе семынак республикыштына ялозанлыкыште тыршыше пашаеҥ-влаклан Чап грамот ден пӧлекым пайремлын кучыктат. Тыгак марий йылме ден литературым, ИКН-ым туныктышо-влак кокла гыч эн ойыртемалтшыжым, чолга мер пашаеҥ-влакым палемдаш тӱҥалыт.

Тӱвыра да каныме рӱдӧ паркыште марий газет ден журнал-влаклан вер ойыралтеш. Тушто изданий-влаклан подпискым ышташ, тӱрлӧ марий книгам налаш да викториныш ушнаш лиеш. Самырык-влакын аланыштышт (Никонов площадь) тӱрлӧ оҥай кокла гыч иктыже – марий брек-данс. Чимарий кучедалмашат кажне ийын шуко кумыланым уша.

Эрдене Пӱнчерысе Тумер отышто Агавайремыште вес кундемла гыч толшо марий делегаций-шамыч лийыт. Пеледыш пайрем але марте культур да мер пашаеҥ-влакын вийышт дене эртаралтын гын, ӱмаште Марий Элын Ялозанлык да кочкыш сату министерстве полшен. Тений Туныктыш да шанче, экономике да ужалымаш, спорт министерстве-влак ушненыт.

Калыкнан йӧратыме Пеледыш пайремже республикнам веле огыл, уло Российым авалта. Тек тудо мыланна куатым, у шӱлышым ешара.

РЕГИОН-ВЛАК КОКЛАСЕ ПЕЛЕДЫШ ПАЙРЕМЫН РАДАМЖЕ
Йошкар-Ола, 15 пеледыш

9.00-10.30 шагат – Агавайрем (Пӱнчерысе Тумер алан).

10.00-10.30 шагат — «Айста палыме лийына ». РФ регионла ден республикысе районла гыч делегаций-влакын вашлиймашышт (В.Ленин лӱмеш тӱвыра полатын площадкыже).

11.00-17.30 шагат – кидпаша ончер-ужалымаш (Чавайн бульвар).

11.00-15.00 шагат – «Кудо» республикысе конкурс (Йошкар-Оласе Тӱвыра да каныме рӱдӧ паркын аллейыштыже).

10.45-11.30 шагат – Пайрем колоннын Ленин проспект дене кайымыже (В.И.Ленин лӱмеш культур полат — Ленин площадь).

11.30-13.00 шагат – «Йоҥгалт, марий пайремна! Чаплане, шӱмбел калыкна!» Пеледыш пайремым рӱж почмаш (Ленин площадь).

13.00-13.30 шагат – Пайрем колоннын Комсомольский урем дене кайымыже (Ленин площадь – Тӱвыра да каныме рӱдӧ парк).

13.30-14.00 шагат – Пайрем колонным парк ончылно вашлиймаш (Культур да каныме рӱдӧ парк).

14.00-17.30 шагат – Марий Элысе да Российысе марий фольклор коллективвлак усталыкыштым ончыктат (Рӱдӧ паркын фольклор аланже).

14.00-15.00 шагат — Йоча программе (почылтшо эстраде). 15.00-16.00 шагат — Марий калык модмаш да таҥасымаш-влак (почылтшо эстраде).

16.00-18.30 шагат — Марий кас: муро, куштымаш, модмаш, конкурс, таҥасымаш (почылтшо эстраде).

14.30-16.30 шагат «Онарын тукымжо улына» спорт таҥасымаш: чимарий кучедалмаш, кидвийым тергымаш, кирам, пундышым нӧлтымаш да т.м. (Тулото алан).

15.00-17.00 шагат — «Шонанпыл кыл»: Марий кугыжаныш филармонийын, культур рӱдер ден мер ушем-влакын концертышт (Никонов площадь).

17.00-19.00 шагат — Самырык-влаклан «Рвезе пагыт» программе (Никонов площадь).

19.00-22.00 шагат — Марий эстрадын шӱдыржӧ-влак дене пырля этнодискотеке (Ленин площадь).

Светлана ПЕХМЕТОВА

Налмывер: «Марий Эл» газет

Текстым изиш вашталтыме
MariUver

Оставьте комментарий

Filed under Артикль-влак

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s