«Ростелеком» марла саламла гына але ойлат?

«Ростелеком»-ын мобилкыл шотышто кӱлеш информацийым пуышо службын марла кутыраш тӱҥалмыж нерген рушла возенам ыле. Серыме деч ончыч, кузерак вара тиде службо ышта манын, тергаш шонен, Skype йӧным кучылтын, ончыктымо номерыш йыҥгыртышым. Тушто «марла информацийым налаш кокытаным темдалза» маньыч да йыҥгыртымым кӱрлаш логале.

Тиддеч вара Эльвира Куклина шке блогышкыжо «Заговорили на марийском?» лӱман статьям вераҥден ыле. Тушто Эльвира службо марла лач саламла веле, умбакыже нимогай информацийым ок пу манын серен.

Таче YouTube-ште «12 регион» телеканалын марла уверыштыже «Ростелеком» марла тӱрыс информацийым пуа манын ӱшандарен ойлымым колаш да ужаш логале. Вара кузерак чынжым гын, иктаж-кӧ иктаж-мом ешарен кертеш?

MariUver