Пивым мыняре йӱман?

«Илыше» («живое») манме сыра – пастеризоватлыдыме да фильтроватлыдыме напитке. Пастеризацийым черым таратыше да шаркалыше бактерийым пытарышашлан але иземдышашлан ыштат. Тидланже кленчалашке темкалыме ямде сырам 60-80 градус марте ырыктат. Фильтраций – ру деч эрыктымаш – напиткым волгыдемда, яндарракым да моторракым ышта, но пайдале микрофлорым пытара.

Пастеризоватлыме сыра кужу жап аралалтеш. Эше консервантым ешарыме гын, йӱыш икмыняр тылзе шоген кертеш. Но тыге шуйымо «ӱмыран» напитке пайдалыкшым йомдара, айдемын тазалыкшылан кугу эҥгекым ышта. «Илыше» манме чын сыра нигунамат консервироватлыме огеш лий, сандене тудым шолтымо верыштак ужалат. «Илыше» манме сыраште айдемын организмжылан кӱлшӧ фосфор, кальций, вӱргене, кӱртньӧ, марганец, В, РР, Н тӱшкаш пурышо витамин-влак улыт. Нуно вещества алмашталтмаш ден вӱр коштмо пашам саемдат.

Нормым пален, шотыш налын йӱаш гын, тыгай напитке осал холестерин (тудын утыждене погынымекыже, атеросклероз вийым налеш) ден вӱрысӧ сакырым иземда. Сыра организм гыч шондым лукташ полша, тудын дене пырля кочмо шинчалат шагал огыл лектеш.

Нормым палыде, шотыш налде йӱаш гын, «илыше» манме сыран чыла пайдалыкше арам лиеш. Чаманен палемдыман, шуко еҥ, поснак самырык-шамыч, ты йӱышым лӱдыкшыдымӧ да организмым «йӱкшыктарыше», йӱмӧ шумым лыпландарыше напиткылан шотлат. Врач-влак сыра алкоголизм вияҥме шотышто шукертак тургыжланен ойлат, вет арака дене таҥастарымаште тудым эмлаш нелырак.

Сыра дене кылдалтше ятыр ситыдымаш шукертак палыме. Тиде – «сыра мӱшкыр» (тудыжо кӧлан кӱлеш?) веле огыл, эше «ӱшкыж шӱм», мокш да верге чер-шамыч. Ты напиткым палынак чӱчкыдын да шуко йӱшӧ айдемын шӱмжӧ, мокшыжо, вергыже лийме семын пашам ышташ тыршат, но вараже нойымышт, лунчыргымышт нерген садак могай-гынат палым пуат.

Сырам лачшымак мыняре йӱман? Ты йодыш шотышто ятыр вашмут уло, сандене эн ончычак шке организмым колыштман да кӱлешан ик принципым шотышналман: утыждене огыл, лучо шагалрак лийже.

Налмывер: Суртпече

Оставьте комментарий

Filed under Артикль-влак, Тазалык

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s