22 июньышто «Марий кумалтыш» юмыйӱла ушем Киров кундемысе Чумбылат курыкышто Кугу кумалтышым эртара.
Тиде вуй савымашлан ушемын Шернур районысо пӧлкаже, Кукнур илемысе калык вуйын шогат. Кумалтышым онаеҥ Вячеслав Мамаев вӱда.
Йошкар-Ола гыч кумалтышыш каяш кумылан-влаклан, ончылгоч
+7- 906 334 24 80 телефон номер дене йыҥгыртен, вер шотышто кутырен келшаш темлена. Мемнан деке районла гыч корныш лекше-влакат ушнен кертыда.
Зоя ГЛУШКОВА
Налмывер: «Марий Эл» газет
Фотом «ВКонтакте» мервотын «МАРИЙ УЛАМ-МАРЛА ИЛЕМ!» тӱшкаж гыч налме
MariUver 