Пӱртӱсат Ӱярнялан куанен (ФОТО)

25 февральыште Марий тӱвыра рӱдер Советский район Ӱшнӱр кундемыште Марий Ӱярня пайремым эртарен.

Марий Эл тӱвыра, печать да калык-влакын пашашт шотышто министрын алмаштышыже Галина Ширяева, Мер каҥаш вуйлатыше Лариса Яковлева, Советский районысо администрацийым вуйлатыше Валентин Епифанов, Марий Элын тӱҥ онаеҥже Александр Таныгин, Ӱшнӱр ял шотан илем вуйлатыше Валерий Басов, Марий тӱвыра рӱдерын вуйлатышыже Валерий Григорьев погынышо калыкым Ӱярня пайрем дене саламлышт.

Пайремым шижын кечат шыргыж лекте, пургыжат шыпланыш.

Ӱмаште республик кӱкшытан Ӱярня пайрем Обалыш ялыште эртаралтын. Садланак тусо кундем гыч толшо «Эрвий» ансамбль «Весела кумыл» ансамбль дене кинде вашталтымаш йӱлам ыштышт, тидыже шке шотан эстафетым пуымаш лие.

Тиде кечын Ӱшнӱр кундем ятыр районла гыч уна-влакым вашлийын, гармонь да тӱмыр сем Ӱшнӱр кыдалаш школ ончылно кас марте йоҥген.

Шоҥешталтше пура, тутло деч тутло мелна кажне айдемын чоныштыжо пайрем кумылым пуртен. Латкум фольклор ансамбль (У Торъял, Куженер, Оршанке, Медведево, Килемар, Советский) Ӱярня пайремышке шке мастарлыкыштым ончыктен. Мотор марий вургем да марий сем кажне еҥын чоныштыжо кугешнымаш кумылым ылыжтыш.

Ӱшнӱр курык гыч мунчалтышыже изижге-кугужге юарлен издер да волак дене ӱчаш-ӱчаш воленыт. Погынышо калык карта паҥга, ече, салмавондо дене таҥасен модыныт. Кумылан-влак имне дене шинчын коштыныт.

Школ кӧргыштӧ кинде авызлымаш йӱлам онаеҥ-влак шуктеныт. Ондак нуно Ош Поро Кугу Юмо деч кинде перкем йодыныт, варажым чылаштым кинде, мелна дене сийленыт.

Мучашлан чыла осалым поктен колташ манын чучылам йӱлалтеныт.

Марий тӱвыра рӱдер

4 комментария

Filed under Увер-влак

4 responses to “Пӱртӱсат Ӱярнялан куанен (ФОТО)

  1. Аноним

    Обалыш — тыгай ял уке

    • Аноним

      Немда-Обалыш — марлаже Овалже. Ну вот тыге Марий тӱвыра рӱдерын еҥже-влак марий яллам, йылмым да культурым палат. Нуно Ӱшнӱр ялжымат ончыч марла Верх-Ушнур манын сереныт, йӧра MariUver тӧрлатен.

  2. Аноним

    Оптышыжо опталта, эн:ырышыже эн:ыра, ончышыжо тора гыч ончен коштеш, пашам ыштышым мыскылен

  3. Азапланыше

    Анонимуслан умылтарена:Верх-Ушнур мутым увер семын кучылтмо.Вет кажныже Ушнур ял нерген огыт пале. Пайрем эртымеке,Ушнур ялыште эртен манын возымо. Пагалыме йолташ,койдарыме деч ончыч шоналташ кулеш. А тый тиде пайремышкыже кеч миенат?Тушто моткочак шуко калык ыле.Пайрем чаплын эртен.Марий рудерым койдараш огыл,.а тудлан тау мутым каласаш кулеш.Ме,марий-влак,икте-весынам мыскылаш гына ванен коштына.А нуно кызыт кузе илат кеч паледа? Шке сурт деч посна кодыныт,манаш лиеш.Нунын кумылыштым нолтымо олмеш,оккул шомакым кучылтыда.Тыге сай огыл.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход /  Изменить )

Google+ photo

Для комментария используется ваша учётная запись Google+. Выход /  Изменить )

Фотография Twitter

Для комментария используется ваша учётная запись Twitter. Выход /  Изменить )

Фотография Facebook

Для комментария используется ваша учётная запись Facebook. Выход /  Изменить )

Connecting to %s