Кылме тылзын 10 кечынже марий калык Марий тиште кечым пайремла.
Акрет годсек марий айдеме Сандалык, Мланде, илыш нерген умылымашым, тудын кӱчык-кужу, сай-удаж нерген шинчымашым тамгашке шыҥдарен. Ик тамгам вес тамга дене ушен, нымыштеш тамгасерышым серен, варашкӱзӧ полшымо дене шерева тояшке уверым возен.
Тиддеч вара марий возыктыш ончыко тошкалын. Кызытсе пагытыште тетралогий, эпический сынан роман, титрих да молат возалтыт.
Марий тиште кечым Марий Элыштат, Российын моло кундемлаштыжат, йот элыштат палемдат.
Тений Марий тиште кечым пайремлыме программыште:
16 шагатлан «2011 ийын у книгаже» ончер-ужалымаш почылтеш. Марий книга дене «Марий Эл» газет, Марий книга савыктыш, Калык усталык рӱдер, В.Колумб лӱмеш рӱдер-тоштер да молат палдарат.
17 шагатлан «Марий тиште, волгалте у кечым» пайрем кас лиеш. Режиссер – О.Г.Иркабаев. Лӱмлӧ мурызо дене пырля Марий самырык театрын артистше, Марий кугыжаныш университетын студентше да «Шокто гармонь» ансамбль калык чоным куандарат.
Мероприятийым Марий Эл Республикын тӱвыра, печать да калык-влакын пашашт шотышто министерстве, Марий тӱвыра рӱдер эртарат.
9 декабрьыште Марий тӱвыра рӱдер Марий тиште кечым икшыве-влак коклаште эртара. Пайремыште Оршанке район Кугунур кыдалаш школын тунемшыже-влак «А тунемаш оҥай улмаш» пайремым сӧрастарат. Оласе да ялысе школ-влак коклаште «келшымаш вашлиймаш» да марий тиште кечылан пӧлеклалтше викторина эртаралтеш.
Марий тӱвыра рӱдер
MariUver 