Марий Элын Серызе ушмже Мария Илибаеван произведенийжым Кугыжаныш премийлан темлен.
М.Илибаеван «Кугу тӱня – шыгыр тӱня» книгаже, – 50 ий утла жапым авалтыше кумда философиян роман-тетралогий. Действий-влак утларакше Пошкырт ден Марий кундемлаште эртат.
Ныл роман гыч шогышо книгаште йошкар шӱртӧ семын ик йодыш шуйна: айдеме молан ош тӱняшке толеш? Тиде шӱртӧ кажне геройын пӱрымашыж гоч эрта да тудын молан ты тӱняште улмыжым рашемдаш полша.
Тыгак романыште пел курым утла жапысе тӱрлӧ саманын сынжым, кажне саманыште власть кучемысе оза-влакын тыглай еҥын илышыштыже сай але уда палым кодымыштым ужына, воза Mari-el.name.
Писатель нерген «Марий Эл ТВ»-н видосюжетше каласкала:
Видео налмывер: video.vmariel.ru
MariUver 