29 апрельыште М. Шкетан лӱмеш Марий кугыжаныш драме театрыште Александр Вампиловын «Старший сын» пьесыж почеш «Кугэрге» комедийын премьерыже лие. Залыште калык шыҥ-шыҥ лийын – вет тиде кечынак театр 91-ше тургымжым иктешлыш.
I степенян диплом да путёвкылан сертификатым Российын сулло артисткыже, Марий Элын калык артисткыже Маргарита Медиковалан «Эконом-ТУР» туризм агентство директорын алмаштышыже Е. Петрова кучыктен.
I степенян диплом да окса премий дене актёр Павел Ефимовым «Парус-Плюс» фирмын директоржо Ю. Зонов деч «Плёс» фирмын генеральный директоржо В. Воронцов палемден.
II степенян дипломым да 10 тӱжем теҥгелан пєлек сертификатым Марий Элын сулло артисткыже Алина Егошиналан да актёр Алексей Тетеринлан «Нью-Трейд» компанийын генеральный директоржо А. Герасимов кучыктен.
III степенян диплом да окса премий дене актёр Сергей Данилов палемдалтын.
«Зритель-влаклан эн чот келшыше актёр» номинацийыште сеҥышыш Российын сулло артистше, Марий Элын калык артистше И. Смирнов лектын. Тидым марий предприниматель Н. Орман окса премий да диплом дене палемден.
Театрыште пашам чон пыштен ыштымылан режиссёр Алексей Ямаевлан да программист-дизайнер А. Соловьевалан «Ростелеком» почылтшо акционер обществын Марий Эл Республикысе филиалжын директоржо А. Лоскутов дипломым да IP-TV – интерактивный телевидений оборудованийым кучыктен.
Зритель деч посна нимогай спектаклят, концертат огеш эрте. А нуным кумылаҥден моштыман. Тидын шотышто эртыше тургымышто театр директорын зритель шотышто алмаштышыже Надежда Мамаева удан огыл пашам ыштен. Тудлан «Эконом-ТУР» туризм агентство директорын алмаштышыже Е. Петрова путёвкылан сертификатым кучыктен. Тыгак «Кугарня» газетын тӱҥ редакторжо М. Матвеев вес пелийлан газетлан подпискым ыштен да «Марий Эл» фотоальбомым да окса премийым пуэн.
Водитель Сергей Казаковым пашажым палемдыме да тудлан дипломым да антирадар оборудованийым «На Гагарина-2» автоэлектроника рӱдерын директоржо Е. Ю. Царегородцев кучыктен.
Спектакльым ямдылымаште, нуным калык ончыко лукмаште театрысе монтировочный, столярный цех-влакын надырышт моткоч кугу. Тыршымыштлан нунат Театрын Почётан грамотыж дене палемдалтыныт. Тудым «Наше пиво» Пивоваренный компаний» обществын пашам аралыме шотышто инженерже О. Колесников ден «Оксам аралыме национальный банкын» Марий Эл Республикыште региональный вияҥмаш отделжын начальникше В. Авдеев кучыктеныт.
Театрын актёржо-влак чӱчкыдынак районласе яллашке калык дек тӱрлє спектакльым, концертым намият. Тидлан, мутат уке, ӱшанле автомашина лийшаш. Гараж начальник Андрей Липатников тидын шотышто пашам сайын ыштен. Пашажым аклен, тудлан Театрын Почётан грамотыжым кучыктымо.
Зданийым обслуживатлыме шотышто службын пашажат кӱкшын аклалтын. Театрын Почётан грамотыжым да окса премийым вуйлатышыже Игорь Павловлан пуымо.
«Йошкар-Ола» округ образований управленийын ешартыш шинчымашым пуымаште воспитательный паша отделжын начальникше Е. Паскаль Театрын Почётан грамотыж дене палемдалтын. Эртыше тургымышто тудын кумылаҥдымыж дене кажне гаяк спектакльыш калык шукак погынен.
Шым тылзе жапыште ончыктымо чыла гаяк спектакльыште зритель-влак кокла гыч шукыштым чӱчкыдынак вашлийынна. Но эн ӱшанле йолташна-шамычат улыт. Тиде — Л. Подаваева ден Л. Кудрявцев. Нунылан Шкетан лӱмеш театрын вес тургымжылан абонементым кучыктымо.
Кодшо тургымышто театрын постановкыжо, актёр-влак нерген газет ден журнал-влак ятыр статьям возеныт, телевидений ден радио теле- да радиопередачым ямдыленыт. Нунын коклаште — «Марий Эл» газетын тӱҥ редакторжын алмаштышыже Светлана Белкова, «Кугарня» газетын тӱҥ редакторжо Михаил Матвеев, «Марий Эл-ТВ» телекомпанийын тӱҥ редакторжо Наталья Курочкина да ты компанийын творческий коллективше, ВГТРК-н «Марий Эл» ГТРК» филиалжын корреспондентше Алиса Степанова. Нунылан тауштымо да Театрын Почётан грамотыжым кучыктымо. Тыгак «Сандал» марий кочкыш кафе деч 1000 теҥгелан сертификатым пуымо.
В.Веэс
Фото: shketan.ru
MariUver 