6-шо мартыште Марий тӱвыра рӱдер У Торъял район администраций дене пырля ты кундемысе Немда-Обалыш ялыште Республикысе Ӱярня пайремым эртара.
Тӱрлӧ районла гыч толшо фольклор ансамбль-влак (тиде Кужеҥер район «Ший аршаш», У Роҥго район «Кугезе кумыл», Шернур район «Пӧлек», Ӧрша район «Какшан сем», Йошкар-Ола гыч «Чон оҥгыр») мураш-кушташ, йол-курык гыч мунчалташ тӱҥалыт гын, оза Торъял кундемын ансамбльже-влак «Кинде вашталтымаш», «Шочшо азалан лӱмым пуымаш», «Первой йӱмаш», «Родо вашлиймаш», «Унагиндым авызлымаш» йӱла-влакым ончыктат.
Пайремыш толшо-влак шер теммеш тутло мелнам, ялысе пурам тамлен кертыт. Тӱрлӧ модмаш, ӱчашымаш, конкурс-влак, ӱярня курыкышто мунчалтен сеҥат. Сеҥыше-влакым шергакан пӧлек вуча.
Ӱярня Немда Обалысе тӱвыра пӧртыштӧ фольклор ансамбль-влакын концертше дене мучашлалтеш.
Ӱярня пайрем «2009-2013 ийлаште Марий Эл Республикым этнокультур могырым вияҥдымаш» республикысе лӱмын ыштыме программын полшымыж дене эртаралтеш.
Пайремым эртарыме радам
10 шагатлан — Ӱярня пайремышке толшо уна, фолькор ансамбль-влакым регистрироватлымаш.
10 шаг.30 мин. — Марий Ӱярня пайремым айон почмаш. Ӱярня пайремлан келшыше йӱла-влакым ончыктымаш.
Тӱрлӧ модыш, конкурс-влак, курык гыч мунчалтымаш.
16 шаг. — Пайремым мучашлымаш. Ӱярня чучылам йӱлалтымаш.
Марий тӱвыра рӱдер
MariUver 