Йошкар-Олаште Марий паркым «ылыжтат»

Таче Йошкар-Олан Чарласе кремыльыштыже гармонь почеш кушталташ кумылан-влак чумыргат.

Ончычсо Марий парк олмышто Марий каныме кас лиеш. Программыште марий муро, куштымаш да марий калык модыш.

Марий паркым шарналтен, мероприятийым «ВийАр» марий самырык ушем эртара.

Кандаш шагат кас гыч латик шагат марте чыла кумылан-влак ончычсо Марий паркыште, кызытсе Чарласе кремыльыште, тавалтат, увертара «Марий Эл Радио».

MariUver