Таче, Йошкар-Олаште, Марий тÿвыра рÿдерыште Колумб лудмаш эртен.
Тушко Валентин Колумбын почеламутшым, тудын нерген возымым йоҥгалтарыше еҥ-влак погыненыт.
Сеҥыше-влакым тÿрлö иготан тÿшкаште палемдыме, увертара «Марий Эл Радио».
Ушештарена, тений ага тылзын 3-шо кечыжын лÿмлö марий почеламутчылан 75 ий темеш. Садлан кöра, Марий Элыште тиде ий «Колумбын ийже» семын увертаралтын.
MariUver
MariUver 
Ешарыман: В.Колумбын почеламутшым тений Оршанка, Медведево, Советский, Йошкар-Ола гыч йоча-влак марла, рушла, англичанла да финнла лудыныт. Икшыве-влак деке Куженер, Мари-Турек, Морко, Звенигово районла гыч марий йылмым туныктышо-влак ушненыт. Нуно В.Колумлан шке почеламутыштым пöлекленыт да марий поэтын сылнымут ойпогыжым лудыныт.
«Колумб лудмашым» кÿкшытыш нöлталаш манын Марий рÿдер ÿмаште эше икмыняр номинацийым пуртен: В.Колумбын кусарыме произведенийже-влак, марий поэт-влакын В.Колумблан пöлеклыме произведенийже-влак.
Сылнымут деч посна пайремыште йоча-влак Колумбын почеламутшылан келыштарыме муро-влакым муреныт да пырдыж газетым ямдыленыт.
Сеҥыше-влак Морко районышто эртыше пайремышке июнь тылзыште каят.