Шушаш кечылаште Йошкар-Оласе кÿртньыгорно вокзалыште станций лÿмым, тыгак тÿрлö сынан увертарымаш-влакым марла да рушла йоҥгалтараш тÿҥалыт. Тидын нерген «Марий Эл ТВ»-н видеосюжетше:
Налмывер: Марий Эл ТВ video.vmariel.ru-што
Monthly Archives: Апрель 2010
Финн-угор самырыктукымын ассоциацийже 20 ийым темен
Тыгай ийготыш шумеке, кажне йоча шкенжым кугу улам манын каласен кертеш, но але йол ӱмбак шогалын огыл, молан манаш гын эше тунемеш, вияҥеш, ушым пога. Тугеже МАФУН-ланат эше тунемаш да тунемаш, кушкаш да кушкаш. Тидын нерген МАФУН-ын ончычсо президентше Яак Проозесат саламлыме телеграммыштыже каласен. Читать далее
Filed under Артикль-влак
Финн-угор калыккультур проект чекшым кумдаҥден (ВИДЕО)
Йошкар-Ола финн-угор тÿнян рÿдерже улеш, манаш лиеш. Шочмын «Финн-угор калыккультур проект: чекым кумдаҥдымаш» регион-влак кокласе форум почылто. Тудын цельже – Марий Элыште илыше калык-влакын йылмыштым да тÿвыраштым арален кодаш да вияҥдаш, опыт да тÿрлö шонымаш дене палдараш.
Тыгай форум икымше гана 2007-ше ийыште эртен. Тушко финн-угор организаций-влак гына ушненыт. Тунам чылаже 121 проектым темленыт. Читать далее
Filed under Артикль-влак, Видео
Тÿвыра да сымыктыш, тöртык да шанче…, але «шанчыеҥын» тургыжланымыже
Шочмо йылмем дене лекше газет ден журналлам лудде, ик кечымат ом кодо, очыни. Кажне гана статьямын вуймутыштыжо лÿмдымö мут-шамыч шинчашкем логалытат, марий йылме наукын кÿкшытшö нерген шÿлыкаҥын да чон корштен шонкалаш тÿҥалам.
Тÿвыра да сымыктыш, тöртык да шанче да нунын гай моткоч шуко мутым эше XX курымын 20-шо ийлаштыжак шонен лукмо. Теве кузе возымо 1928 ийыште савыктыме «Рушла-марла мутерыште»: «культура — тÿвыра, тÿвырчык, искусство — сымыктыш, закон — тöртык, наука — шанче (тыменьмäш)». Читать далее
Filed under Артикль-влак
Кугыжаныш тöнеж-влакын сайтышт марлат лиеш?
Кызыт кажне гаяк министерствын, ведомствын шке Интернет-лаштыкше уло. Тушто чыла уверым рушла гына возат. Но, Марий Эл Республикын Тÿҥтöртыкшö* почеш мемнан кок кугыжаныш йылме уло. Тиде – руш да марий йылме. Тугеже чыла увер рушла веле огыл, марлат лекшаш. Кызыт сайтын марла версийжым кок министерствыште гына ямдыла. Темым умбакыже «Марий Эл ТВ»-н корреспондентше шуя: Читать далее
Filed under Видео
Йошкар-Олаште Марий паркым «ылыжтат»
Таче Йошкар-Олан Чарласе кремыльыштыже гармонь почеш кушталташ кумылан-влак чумыргат.
Ончычсо Марий парк олмышто Марий каныме кас лиеш. Программыште марий муро, куштымаш да марий калык модыш.
Марий паркым шарналтен, мероприятийым «ВийАр» марий самырык ушем эртара. Читать далее
Filed under Увер-влак
Рÿдолаште Колумбым лудыныт
Таче, Йошкар-Олаште, Марий тÿвыра рÿдерыште Колумб лудмаш эртен.
Тушко Валентин Колумбын почеламутшым, тудын нерген возымым йоҥгалтарыше еҥ-влак погыненыт.
Сеҥыше-влакым тÿрлö иготан тÿшкаште палемдыме, увертара «Марий Эл Радио».
Ушештарена, тений ага тылзын 3-шо кечыжын лÿмлö марий почеламутчылан 75 ий темеш. Садлан кöра, Марий Элыште тиде ий «Колумбын ийже» семын увертаралтын. Читать далее
Filed under Увер-влак
Тартушто Марий талешке кечым палемдат
Тарту, 2010 ий 23 вÿдшор
16 ш. Эстон Калык Музейын ончер пöртыштыжö (Kuperjanovi 9)
- Шарнымаш сортам чÿктымаш
- Марий талешке кече нерген
- Алексей Алексеевын Пошкырт марий-влак нерген «Карш» чынилышкиножо
- «Канде кава» эрвел марий ансамбль мура да кушта
- Урал марий-влак нерген фотоончер
18 ш. Эстонийысе ингерманландец-влак ушемын пöртыштыжö (Veski 35) Читать далее
Filed under Увер-влак
Марий-влаклан у мут-влакым шонен лукмо пашалан пижман
А тый палет, аҥгличан йылмыште кажне 98 минутышто ик у мут лектеш. Вес семын манаш гын, кажне кечын 14 наре у мут лектеш. (http://www.languagemonitor.com/ гыч).
А ынде шотло, мыняр у мут марий йылмыште ышталтын?
Аҥгличан йылме 2009 ийыште, пеледыш тылзын 10 кечынже 1 000 000 (амион) мут марте шуын. 10-томан Марий мутерыште чылажат 32 581 мут гына. А вет тиде лу томан мутерыште шуко руш мут уло. Тугеже марий мутын чотшо эше шагалрак лиеш. Вот тыгай вот иктешлымаш. Садлан мыланна, марий-влаклан, уло кертмын у мут-влакым шонен лукмо пашалан пижман. Читать далее
Filed under Артикль-влак
Кокымшо марий самырыктукым слет кеҥежым погына
19-24 пеледышыште (июньышто) Марий Элыште У Роҥго* районышто 2-шо Пÿтыньрушэлысе* марий самырыктукым слет эрташ тӱҥалеш.
Темыже туныктышо идалык дене кылдалтын. Тений слетыш толаш шонышо-влаклан «Молан мый слётышто лийшаш улам» лÿман изи эссем возыман да тыгай электрон адрессыш колтыман: 2mari_slet@mail.ru. Тыгак зявкымат тичмаш возен колтыза. Читать далее
Filed under Увер-влак
MariUver 