25 июльышто республикын тӱрлӧ кундемлаж гыч 3 тӱжем 500 утла еҥ Йошкар-Оласе «Строитель» стадоныш «Марий Эл Радион» 4-ияш пайремышкыже чумыргеныт.
Ты радиостанцийын вӱдышыжӧ-влак: Наташа Пушкина, Володя Матвеев, Сергей Карпов да Мурызо Эчан калык ончыко ош мерседес дене кудал толыныт.
Куанлан мучаш лийын огыл, эн йӧратыме мурызо-влак икте почеш весе радиом колыштшо-влакын йӧратыме мурылаштым йоҥгарлтаныт.
Толшо-влак шуко у мурым чон шулен колтышыныт, а Кна вел (Татарстан республик гыч) чолга марий рвезе Роман Назыров шуко толшо еҥым кушташ таратен.
Кӧгерчен-влакым, дирижабль-влакым каваш колтымым толшо-влак вуйыштым кӱшкӧ нӧлталын онченыт.
А концерт мучашыште вӱдышо-влакын «Чон мурым» йоҥгалтарымаш годым тулсавыш пайрем шӱлышым утларак ылыжтен.
Налмывер: Mari-el.name
Фотосÿрет-влакым «В Контакте» сайт гыч налме, тушко Михаил Пирогов вераҥден
MariUver 
Пеш сай!