28 ноябрьыште Марий тӱвыра рӱдер 16 шагатлан «Автодор» тӱвыра полатыште Ешын идалыкшылан пӧлеклалтше «Ешыштем – поро йӱла» республикысе фестиваль-конкурсым эртара.
Тудо республик кӱкшытыштö икымше гана лиеш.
Фестиваль-конкурсышто республикынан тӱрлӧ районлаж гыч марий еш-влак шке вийыштым тергаш тӱҥалыт.
Еш-влак марий йӱлам, кочкышым ончыктат, кид мастарлык, мурымаш-куштымаш номинаций-влак почеш таҥасат.
«Ешыштем поро йӱла» конкурс Марий Эл Республикын тӱвыра, печать да калык-влак пашашт шотышто министерстве да калык илышлык аралыме да пашалык шотышто министерствын полшымыж дене илышыш шыҥдаралтеш.
Г.Хлебова
MariUver 