Янаул район марий-влак Сбантуйым пайремленыт

Шукерте огыл Пошкырт кундемысе Янаул районын Тумна ялыштыже марий Сабантуй эртен, воза «Кугарня» газет.

Ныл марий озанлык: Ленин лӱмеш, «Мир», «Дружба», «Гаяна» — посна юрто-влакым шогалтен. Тудын кӧргыштӧ мом ыштен кертмыжым, молан мастар улмыжым, унам кузе вашлийын моштымыжым тӱрыснек ончыктен. Тамле кочкыш, тӱрлымӧ тувыр, озанлыкыште ямдылыме моло арвер…

Район администрацийым вуйлатыше Назир Зиязов пашаште ойыртемалтше еҥ-влаклан шарнымашан пӧлекым кучыктен.

«Пошкырт, татар-влак коклаште илыше марий калыкнам пагалымыштым ужын, чон куаныш», — палемдaт Пошкырт кундемыште командировкышто лийше «Кугарнян» корреспондентше-влак.

2002 ий еҥшотлымаш почеш Башкортостан Республикыште 105 829 марий лийын. Янаул районышто марий-влак 17 ялыште илат, ты вер-шӧрысӧ калыкын 9 процентшым айлат.